Bizkairik ezezagunenetakoa

Hura guztia telebistaz ikusi ahal izan zen eta, besteak beste, balio izan zuen hainbat euskal hiritarrek (makinatxo bat bizkaitar  tarteko) Bizkaia zein polita den deskubritu zezaten.

Bizkaiak ikaragarri bazter zatar, jendetsu eta alferrik galdu asko ditu. Baina baita, aldi berean, azken urteotan ezer gutxi aldatu direnak ere, euren jatorrizko xarma gorde izan dutenak.

Kontua da, jenderik gehienak Kantabria, Gasteiz edo Donostiatik Bilborainoko autobideen inguruko Bizkaia baino ez duela ezagutzen. Baina bada beste Bizkai bat.

Bat aukeratzekotan, baina ez horratik bakarra, Ondarroatik Ibarrangelurainoko itsasaldea da, agian, nabarmenenetakoa. Esango nuke giputzerriaren eragina Ondarroan amaitzen dela eta Bilbo Handiaren presioa, berriz, ez doala Busturialdea baino harago. Indar bi horien arteko sokatiran dago, noraezean, Bizkairik ezezagunenetakoa.

Segurutik lehorrean izango da joanetorri gutxiagoko kaminorik, baina, aukeran, Ondarroatik Elantxoberainoko  30-35 kmko pasartea da, euskal kosta guztian  politenetakoa izateaz gainera, Baionatik Muskizeraino trafikorik urrien duen ingurua,

Argazkia atzo arratsaldekoa da. Txirrindularien paradisu ainubea eukaliptoen artean, eta urzale ezkutuen habia egutera, pinudipeetako itsaslabarretan.