Langabezia, 2009 urtekoaren pareko
Amatiño
2017/11/04 00:05
Euskal Autonomia Erkidegoaren ekonomia %2,9 hazi da azken hamabi hilabeteotan eta langabezia, berriz, %5 inguru murriztu. Urtebete berean, Nafarroan %4 edo gutxitu da lanik eza eta Espainian, oro har, %18. Horretara, nahiz Estatuan langabezia handiagoa izan, hobekuntzaren erritmoa ere nabarmen handiagoa da.
Atzera begiratuko badugu, aurtengo hirugarren hirihileko datuak 2009 urtekoak bezalakoak dira. Hau da, nonbait krisiaren zulotik ateratzen jarraitzen dugu, emeki-emeki hobetzen edo, baina inondik ez gara 2008ko datuetara iristen eta, are gutxiago, krisialdiaren aurreko 2007 urtekoetara.
Hala ere, dena erlatiboa da. Euskal Autonomia Erkidegoan behintzat --ez, ordea, Nafarroan eta Espainian-- 1981etik 2000 arteko bi hamarkada luzeetan, langabezia orain baino handiagoa izan zen.
