Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Benetako krisialdia gaitasunik eza da

Benetako krisialdia gaitasunik eza da

Amatiño 2009/05/27 23:22
“Monja-ikastetxean bekatu guztien erruduna deabrua zen. Gero, unibertsitatean, 'sistema' zen gaiztoa. Orain, berriz, eragozpen guztiak globalizazioari leporatzen zaizkio. Beti errudunak besteak dira. Noiz onartuko ote dugu guk ere erruren bat izan dezakegunik?” adierazi du gaur eguerdian, Adela Cortinak, Valentziako Unibertsitateko Etika eta Filosofia Politiko katedradunak, CEBEK Bizkaiko Enpresari Konfederazioak Bilboko Euskalduna jauregian eratu duen eztabaidan.

Urteroko Batzar Nagusiaren programa osatze aldera, CEBEKek eguneroko arazoen gainetikako hausnarketa egin nahi izan du eta Kudeaketa-krisia edo balio krisia izenburupeko eztabaida antolatu. Horretarako aurrez aurre jarri ditu Adela Cortina katedraduna eta Josu Jon Imaz Petronor-en lehendakaria.

Hiruzpalau lerrotan laburbiltzekotan, katedradunak Hezkuntza jo du landu beharreko arlorik garrantzitsuentzat eta enpresariak betidaniko baloreak aldarrikatu irtenbidetzat: baserri-korta eta taladrinaren arteko usainaz, gaur egun bizi dugun aberastasunaren oinarriak eragin zituzten enpresari eta profesionalen baloreak.

Ondoko eztabaidan ez da falta izan Albert Einsteinek krisialdiaz esan omen zuena gogorarazi duenik: “Quien atribuye a la crisis sus fracasos y penurias, violenta su propio talento y respeta más a los problemas que a las soluciones. La verdadera crisis es la crisis de la incompetencia. El inconveniente de las personas y los países es la pereza para encontrar las salidas y soluciones… no pretendamos que las cosas cambien si siempre hacemos lo mismo”.

  Adela Cortina

Aner
Aner dio:
2009/05/29 10:42

"Las personas que piensan que no son capaces de hacer algo, no lo harán nunca, aunque tengan las aptitudes.“ Indira Gandhi

"Los que renuncian son más numerosos que los que fracasan." Henry Ford.

"Después de escalar una montaña muy alta, descubrimos que hay muchas otras montañas por escalar.“ Nelson Mandela

"Aequam memento rebus in arduis servare mentem, non secus in bonis ab insolenti temperatam laetitia"

"Gogoan izan buru-argiz aritu beharra momentu zailetan. Halaber patxadaz aldeko uneetan eta gehiegizko poztasunetik at". Quintus Horatius Flaccus (65 K.a.- 8 K.a.)

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal