Karmele Aranburu hil da
Karmele Aranburu, 1985
Karmele Aranburuk (Orio, 1957) kazetaritza-ikasketak egin zituen Nafarroako Unibertsitatean eta 19 urte besterik ez zituen Donostiako Herri Irratian bekadun gisa lan egiteari ekin zionean. Beste bi baino ez zituen behar izan, ordea, albistegi-sailaz arduratzeko eta eguerdiko albistegiari ahots zolia jartzeko.
Berriketarik eta aitzakiarik gabeko profesional ona, serioa eta gogotik benetalaria, ez zen esne-berbetan aritzen direnetakoa. Buruz buruko harreman eta tratu pertsonalean gozoa izaten bazekien arren, zorrotza eta uzkur samarra zen lanean, erreparo handirik gabe distantziari eusten eta errespetua eragiten asmatzen zuena.
Herri Irratian jardundako hiru hamarkadez gainera (1). Euskal Herriko Unibertsitatearen Uda Ikastaroetako komunikazio-zuzendaria izan zen 1996etik 2022ra bitartean.
(1) Baita hiru urte Euskadi Irratian ere, 2010-2013.
Arantza Zugasti, Koldo Ordozgoiti eta Karmele Aranburu, 1989 urtean.