Jazz Basque Culinary Center
Amatiño
2012/07/23 19:55
Gaur bertan Donostian amaitzear den Jazzaldiak ustebako hainbat aukera eskaini ohi digu, urtez urte, Donostia hobeto ezagutzeko abagunea, besteak beste. Aurten zer ezagutuko eta... Basque Culinary Center bisitatzeko aukera izan genuen igandean.
Eguerdiko ordu batean, pintxo-pote eta guzti, Enrico Rava - Tribe bandaren emanaldia Basque Culinary Center delako eraikuntza galantaren "arkupeetan". Inor gutxietsi beharrik gabe, tronpeta-jotzaile ona Enrico Rava bera; maisua tronboiaz, Gianluca Petrella; eta berriketabako artista gero Giovanni Guidi, pianoa jotzen zein erritmoari eusten. Hori da gero dardara, buztan-ikara eta geldi egon ezina.
Ordu erdi aurretik, berriz, Mondragon Unibertsitatearen gastronomia fakultatea bertatik bertara ezagutzeko bisitaldi gidatua. Dena musu-truk. Ilustratzeaz gainera, krisialdiari aurre egiteko modu aproposa. Eta lasai asko, lagunartean, batere jendetzarik gabe.
Jazz-saioa
Sukaldeetako bat
Dastatze-gela
Landare lurrintsuen osteko baratza