Jaioko dira berriak
Amatiño
2013/12/25 22:55
Luis Aranberri zena 1908an jaio zen eta 2000an zendu. Ez zen geldirik geratzen direnetakoa eta, seguru gero, makinatxo bat gauza egin zituela, onerako zein txarrerako, mundu honetan iraun zuen 92 urte urrietan. Baina, esango nuke esan, sekula ez zukeela pentsatuko hamahiru urte geroago bere ondorengoek argazki hau ateratzerik izango zutenik. Nork esan du berraragiztatzerik ez dagoenik?
Luis Aranberri zenaren seme-alabak, berauen seme-alabak eta seme-alabon seme-alabak (maldan gora "erantsi" direnak tarteko), bart bildu ginen Eibarren. Ez, ordea, denak, bidean geratu zenik ere bai baita eta lauzpabost, aurtengoz baino ez, etorri ezinik geratu.