Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Iruzurra

Iruzurra

Amatiño 2012/09/22 23:25
Mila bederatzirehun eta hogeita bederatziko “krak” larri bezain ospetsutik atera ahal izateko, Roosvelt lehendakariak estrategiazkotzat jo zituen industria-sektoreetako bat zinema izan zen. Geroztik, zine-industriak laurogeitaka urte daramatza indarrean Estatu Batuetan eta Europan, ostera, kultura izaten jarraitzen du, frantsesek bataiatutako “l´exception culturelle” delakoaren aitzakiaz.

Auskalo zertarako ote den Europan zinegintza baina, Ipar Ameriketan behintzat, dirua irabazteko, Susan Sarandonek Donostiara etorri bezain laster gogoratu nahi izan duenez. Baina, hori bai, dirua emango duten filmak egiten ere jakin egin behar da.

“Arbitrage” (El fraude?) dirua emango duen filma izango da segurutik. Osagai guztiak ditu: gaia, giroa, gaurkotasuna, aktore-aktoresak, luxoa, handikeria, adulterioa, zinismoa… Eta, gainera, eraz eta moldez ondo egindako filma, egikera onekoa. Nahiz, behar bada, zelofanez eta lau “txoriz” bildutako melodrama galdua bailitzan, zirrararik sortu ez.

Esanak esan, diruaz gainera, ba al dago besterik? Helburuak bitarteko oro ones al ditzake? Letradurik bizkorrenak ordain ditzaketenek auzi guztiak irabazten al dituzte?

Bai. Hainbat urtez egituratutako oreka hankaz gora joan daiteke luzaro ezkutuan iraun duten zertzeladak ustekabean azaldu eta jazo behar ez litzatekeen istripua gertatzen denean. Baina gizarte amerikarrak zer barka dezake samurrago, diru-iruzurra ala ohe-iruzurra?

Richard Gere nagusiaren interpretazioa tarteko, déjà vu ez ote?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal