Mitoaren ohore hunkigarria
Amatiño
2012/09/23 23:45
Berrogeita hamar urte joan dira Iribarrek Athletic-en jokatzeari ekin zionetik. Hemeretzi urte besterik ez zituen. Gaur iluntzean San Mamesen bildutako zaleek 1960ko hamarkadan ospetsu egin zen leloa errepikatu dute, barrena hiru aldiz: “Iribar, Iribar, Iribar es cojonudo, como Iribar, no hay ninguno”.
Egaña eta Iribar, aurrez aurre
Malagan izan zen. 1962ko irailaren 23an. Geroztik 614 partida jokatu zituen hemezortzi denboralditan; gainerako hogeita hamabi urteak Athletic-en bastidoreen artean egin ditu eta, oraindik ere, erretiratu arren, Ibaigane inguruan dirau mitoak.
Azken bost hamarkadotako hogeitaka atezain elkartu dira zelaian maisu handiarekin batera, Andoni Engañak bertsoak eskaini dizkio bere herrikideari eta “Makatzak”, labur asko, ohi duenez, zera esan du: “Ohore hunkigarria da niretzat”.
Raul gaztea --Iraizozen ordezko-- beltzez atera zen Iribarren omenetan