Ip
Azken glaziaziotik (12.500 urte) joan zen mendeko 1945 arte, Ip aintzirak zeharo natural iraun zuen. Urte horretan ekin zitzaion goitik beherako ur-hodia eraikitzeari eta, oraindik ere, mendilagun ditut 1960ko hamarkadako uda-oporretan bertan lanean aritutakoak, unibertsitate-ikasle gazteak zirelarik.
Canfranc herria 1.070 metrotan dago eta, esan bezala, Ip iboia 2.115tan. Etenbako 1.045 metroak, maldan gora, ordekarik txikienik gabe, ez dira artaleak. Eta goitik beherako buelta astuna, berriz, harrartez harrarte, kanka-puntarik sendoenak nekarazteko bestekoa.
Gainak merezi du, ordea. Zer esanik ez goiko bainu freskuak. Belarri arteko ideiak suspertzeko eta izter arteko barrenak baretzeko, ezin hobea.
Ip aintzira, Collaradatik (2.886 m.). Egun bereko argazkia.
Bainua, "barriketa bakua"
"Arañoiak" mendi-klubaren hainbat taldekide. Gazteena, behintzat, iruindarra.
