Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Industria, Bizkaiaren motorra. Bizkaiarena soilik ote?

Industria, Bizkaiaren motorra. Bizkaiarena soilik ote?

Amatiño 2015/04/28 16:00
Ezkerraldeko bost enpresaren (La Naval, Eroski, Tecuni, Petronor eta Precicast) zuzendariak bildu dituzte Barakaldon, 150 lagunen aurrean, “Ezkerraldeko ekonomiaren garapenerako gakoak” elkarrekin aztertzeko. Esandakoa laburbiltzekotan, harako gakoak honako hauek lirateke: teknologia-garapena, energia-eraginkortasuna, ingurumen-iraunkortasuna, lanbide-heziketa, ingelesa menderatu beharra eta, behin eta berriz, egoera berrietara egokitzen asmatzea. Gako guztiz garrantzitsuak eta zentzuzkoak, segurutik. Baina, Ezkerraldeko ekonomiari ez ezik, euskal ekonomia osoari ere legozkiokeenak ez ote?

Petronorren kontseilari delegatuak zertxobait gehiago nabarmendu zuen, labur asko: “del pasado no se come”. Andreu Puñet katalana da, mila lagun eskas dituen herrixka batean gerra ostean sortua, eta txitean pitean erabili ohi ditu larre motzeko jendeak aitaren batean ulertu izaten dituen moldeak eta adierak. Nago, baina, euskal gizarteak ez duela horrela uste, eta gure katalanak besterik sumatu arren, badagoela iraganetik bizitzerik.

Bizkaiko Foru Aldundiaren Lehendakaritzako ahaldunak itxi zuen ekitaldia eta, Unai Rementeriari jaramonik egingo badiogu: “Kalitatezko lanpostu iraunkorrak gura ditugu, eta horretarako kalitatezko jarduera ekonomiko eta iraunkorra behar dugu. Bizkaiaren etorkizuna industria berreskuratzeari atxikia dago. Industria-enpresa indartsurik gabe ez dago etorkizunik: ez lanposturik, ez gizarte-zerbitzurik, ez kultura-politikarik, ez herri-zerbitzurik. Enpresa da Bizkaiaren motorra".

Bizkaiarena soilik ote?

Mahai-ingurua

Iñaki Irasuegi (La Navalen zuzendari nagusia), Jabier España (Eroskiren Garapen zuzendaria), Tamara Yague (Tecuniren zuzendari nagusia), Andreu Puñet (Petronorren kontseilari delegatua) eta Amadeo Torrens (Precicasten zuzendari nagusia), elkarrekin izan zuten mahai-inguruan zehar.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal