Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Ideologia ote… ala eskola besterik ez?

Ideologia ote… ala eskola besterik ez?

Amatiño 2012/07/03 23:30
Bistan da Garoñak ez duela nork defendituko Araban. Bistakoa, komunikabideetan albiste diren denak edo gehien-gehienak kontra dituela. Baina, begien bistakoa ere, hainbatek Garoñaren aurka erabili ohi dituen argudioak ez direla, ene irudiko behintzat, aproposenak.

Bat etorri ala ez, salatu salatu daiteke Garoñako zentrala zaharkitu samarra dela eta honezkero gainditua duela sorreran atxiki zitzaion iraungitze-data. Ados izan ala ez, adierazi adierazi daiteke Garoñaren ekoizpena ez dela inondik ere espaniar energia-sistema auzitan jartzeko bestekoa eta bihar bertan itxi arren ezer gutxi gertatuko litzatekeela. Hala ere, zer gerta ere, esanak esan, ez dago Garoñaren jarraipena “herri-borondatearen kontrako erabakitzat” jotzerik.

Behar bada arabarrik gehienak Garoñaren kontra egongo dira egon, baina Garoña ez dago Araban. Eta, besterik frogatzen ez den artean, Garoñako zein inguruko alkate, zinegotzi eta biztanlerik gehienak bertako zentral nuklearrak indarrean jarraitzearen aldekoak dira.

Honetan guztian ni neu gehien kezkatzen nauena ez da zentrala 2013an edo 2019 itxi behar izanak, zenbaiten jarrerak baino. Alegia, gu gara herria, besteak ez. Guk daukagu arrazoia, besteek ez. Gure jarrera interesbakoa da; besteena, aldiz, baldintzatua. Guk geure buruaren jabe izan behar dugu geureak eta inorenak erabakitzeko. Beste inor ez da ordea gauza euren nahia egiteko eta, are gutxiago, guk zer egin beharko genukeen esateko.

Normala litzateke pentsatzea jarrera horren atzekaldean nolabaiteko ideologia dagoela. Eta… “eskola” soila besterik ez balitz?

Eskola

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal