Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Huelva, padura-herria

Huelva, padura-herria

Amatiño 2015/08/24 16:55
Europan “mesopotamiarik” bada, Huelva da, behar bada, nabarmenenetakoa. Ehun kilometro inguruko itsasbazterrean, nagusi dira Guadiana eta Guadalquivir ibai naroen arteko hondartzak, natura-lurraldeak eta padurak. Guztira, Bizkai osoa baino zabalagoak.

Doñana ospetsuak ez du segurutik aurkezpen handirik behar baina, horrez gainera, Isla Cristina, Piedras, Flecha edo Odiel inguruetako ubideak, urmaelak eta denetariko ur-bazterrak begi-bistan galtzeko bestekoak dira.

Ez da, inondik ere, oinez zein bizikletaz ibiltzeko leku aproposik falta, baina, aukeran, zaldiz edo txalupaz hobe. Oinez, luzetxo, eremuak izugarri zabalak direlako. Bizikletaz, berriz, nekez, gutxien uste denean bidezidorra hondar bigunetan beratzen delako eta, ez aurrera eta ez atzera, gurpilek bertan behera geratzeko arriskua dutelako.

Huelva probintzia Euskal Autonomia Erkidego osoa baino %40 handiagoa da (Bizkaia, Gipuzkoa eta bi Araba beste), nahiz Gipuzkoak baino biztanle gutxiago izan. Eta, heren bat, natura-parkeak, erreserbak eta lurralde babestuak dira. 

Fadura Piedras

Galtzeko besteko padurak

San Miguel fadura

Bizikleta lagun ona da, baina ez beti seguruena

Zaldunak

Zaldia, berriz, ez merkeena, bai onena

Arrantzaleak

"Qué pescáis?" galdetu eta baten batek erantzun zuen: "Lamprea!".  Zitekeena, baina ez nion sinetsi.

Espatula

Lertxuntxo Txiki hau ere bere kasa arrantzan, nonbait

El Terron

Barrenean, itsasoa iruditu arren, Flecha izeneko hondar-beso luzea (12 km.) baino ez.

Etxe ondo

Atzekaldean sumatzen da, hain zuzen, Flecha hondar-besoaren azken muturra, urtero 40 metro inguru hazten ari dena

Fletxa baloia

Amaierarik gabeko hondartzak hutsik, abuztuan

El Rocio

Padurak ere badu erreginarik, Rocioko Andre Maria

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal