Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Hego Euskal Herriaren langabezia da Espainiako txikiena, baita Europako handienetakoa ere

Amatiño

Hego Euskal Herriaren langabezia da Espainiako txikiena, baita Europako handienetakoa ere

Amatiño 2021/08/02 08:55
Euskal Autonomia Erkidegoa (%10,02) eta Nafarroa (%10,3) dira, espainiar estatuaren (%15,3) baitan, langabeziarik txikiena duten autonomiak, baina, europar estatuekin alderatuko bagenu, handienetakoa izango lukete.

Dena erlatiboa omen da. Baita langabezia-tasa ere. Harro samar-edo esan daiteke Euskadiko eta Nafarroako autonomia erkidegoen langabezia Espainiakorik murritzena dela. Egia ere bada, espainiar estatuaren langabezia, Greziarenarekin batera, Europar Batasuneko altuena dela; baina egia biribil bi hauen barruan ez da nabarmendu izaten Hego Euskal Herria osoaren datuak ere Europako larrienak direna.

Izan ere, Euskal Autonomia Erkidegoaren (%10,02) eta Nafarroaren (%10,30) langabezia Italiakoaren (%10,5) pareko eta Espainiakoaren (%15,3) zein Greziakoaren (%15,4) azpitik egon arren, Europar Batasunaren batez besteko zifraren (%7,3) gainetik dago. Baita Europa osoarenaren (%8,0) gainetik ere. 

Europar Batasunaren barruan, gainerako estatu guztien langabezia –Txipre (%9,9) eta Suedia (%9,1) izan ezik-- %9ko kopurutik behera dago. Gure inguruan, Frantziak %7,5 du eta Portugalek %7,2; Alemaniak, berriz, %3,7.

 

Langabezia 2021-II

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: