Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Guztiz gomendagarria

Guztiz gomendagarria

Amatiño 2010/01/05 23:53
Zinea artea omen da, zazpigarrena alegia, eta pelikula guztien aurrean horrelakorik esaterik ez badago ere, Juan José Campanella zuzendariaren “El secreto de sus ojos” filma harribitxi horietako bat dugu. Film serioa, atsegina, egituratua, dialogo esanguratsuak, kamera-lan ederra eta izugarri ondo interpretatua. Film klasikoa batetik, thriller komertziala bestetik, ondo amaitzen da… zer gehiago eskatu ote daiteke?

Beti joateko, beti joateko, sekula parean tokatu ez eta, azkenean, dsanba, barrura. Erreferentziak onak nonahi dituen filma da “El secreto de tus ojos” eta, Zinemaldiaren jarraitzaile sutsuei jaramonik egingo badiegu behintzat, Donostiatik esku hutsik alde egin behar izan zuena zertxobait baino gehiago merezi arren. Aspaldiotan zine argentinarrak gogotik dihardu.

Luzetxo samarra, behar bada, eta amaiera déjà vu (non? noiz?), agian, baina bigarren aldiz ikusteko batere alferraldirik eragiten ez duen filma, azken sekuentzietan protagonistak --"panfiloa", bakardadean-- bere kautan egiten duen feedback labur bezain azkarraren ildo beretik edo. Ricardo Darín, guztiz sinesgarri, Soledad Villamil benetan erabatekoa eta Guillermo Francella ezin hobeto. Futbol-estadioaren tribunapeko azken travelling lasterra, berriz, golak bezain sarri errepikatzeko modukoa.

Ez du zentzurik aurreko irailean Donostian estreinatu zen filma Errege Egun bezperan deskubritzen hasteak baina bizpahiru hilabetetik behin baino zinera joaten ez zaretenok apuntatu aukeratu beharreko pelikulen zerrendan.

 

                                    Secreto

Soledad Villamil, Ricardo Darín eta Juan José Campanella, irailean Donostian

Iñaki Murua
Iñaki Murua dio:
2010/01/07 14:48

Ikusteke dudanetako bat da; sarrera irakurrita ezinbestekoa izango da ikustera joatea.

Amatiño
Amatiño dio:
2010/01/07 14:42

Joño, bai, trukoa dute. Baina zinea da, ez iluntzeko Gaur Eguna.

Dena dela, nere ustez trukorik nabarmenena gaizkilea zelai-gainean harrapatzen dutenean da. Ordurarteko plano guztiek (helikopteroz hartutako irudiak, tribunako miatze-lana, burruka, ihesa eta zelairatzea) benetakoak ematen dute. Ala ez?

JM Alzibar
JM Alzibar dio:
2010/01/07 09:48

Pelikula interesgarria baina estadioko irudiek trukoa dute.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal