Gunung Batur
Asia eta Ozeaniaren arteko muga zehatza erabaki beharra ez zen gero txantxetako kontua izan hainbat mendetan zehar eta eztabaidak 1860 arte iraun zuen, Alfred Russel Wallace antropologoak (Darwinekin batera Espezieen Eboluzio Teoria formulatu zuena) Wallace Lerroa Indonesiako Bali eta Lombok uharteen artean finkatu zuen arte. Uharte bien artean Australasia eta Eurasiako plaka tektonikoak bereizten dituen ozeano-fosa dago eta, lehorrean klima berbera den arren eta bi itsasbazterren arteko aldea txikia izan --elkarren begi bistan daude--, alde bietako fauna zein flora arras ezberdinak dira.
Kontua da, ordea, Baliko ohituretako bat gauez Gunung Batur (1.717 m.) sumendi gailurrera igotzea dela, eguna argitu baino lehenago bertaratu eta lehen eguzki-printzak noiz agertu zain egoteko. Inoiz ahazten ez diren esperientzia horietakoa.
Begi garauak ditu ipar-hegian, gauez behintzat ausardia-punttua eskatzen dutenak
Hego-hemisferioan, hego-isurialdea da hezeena
Gunung Batur, 2002. Eskerrak gero gazte-jendeak lagundu ninduen...
Beheranzko zenbait pasartetan, oraindik ere bizirik dirau. Hogei erupzio izan ditu azken bi mendeotan