Gorriñagak bizirik dirau
Amatiño
2014/01/09 22:00
Consuelo Aramberri mendaroarrak bidali digu Eibarko Aranberritarroi Gorriñaga baserriaz egin berri duen margolana. Consueloren aitxitxaren aitxitxa eta gure aitxitxaren aitxitxa, gizakume berbera izan zen: Vicente. Azkoitian jaioa zen (1764), Vicente de Arambarri izen-abizenez, eta Aranerrekako Gorriñagan hil zen (1828), Vicente Aramberri gisa.
Vicentek zortzi seme-alaba izan zituen: Francisco Xavier, Manuela Juana, Josefa Antonia, Jose Maria, Luis, Bartolome, Maria Bautista eta Juana Ramona. Berrehun urte geroago Gorriñaga zaintzen dirauten Consuelo eta Josemari neba-arrebak, Francisco Xavier maiorazkoaren oinordeko zuzenak dira. Eibarko senitartekoak, berriz, Elgoibarko Andikao baserria errentan hartu zuen Luisen (1800-1861) ondorengoak.
Mendaroko Gorriñaga baserria, Consuelo Aramberrik pintatua.
Ikus, informazio eta argazki gehiago: Gorriñaga, atzenengoetan