Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Goaz taldearen aurrenengo antzezlariak

Goaz taldearen aurrenengo antzezlariak

Amatiño 2011/07/28 00:05
Goaz antzerki taldea 1974 urteko udazkenean sortu zen Deban, garai hartan suspertu zen euskal giroaren inguruan. Zenbait hilabete geroago, 1975eko urtarrilaren lehen astean edo, aurren-aurrenengo antzezlana eskaini zuen: Piarres Lartzabalen “Senperen gertatua”. Ondotik etorri ziren Daniel Landarten “Hil-biziak”, 1976an, eta “Xuri gorriak eta..”, 1977an. Gero gerokoak, nola-hala, gaur arte.

Goaz. Deba, 1975.1.3

Tente,  ezkerretik eskuinera: Martin Beristain, Jose Mari Agirregabiria, Jesus Mari Ostolaza, Kurutze Sorazu, Arantxi Sorazu, Martin Idiakez (G.B.), Lukas Dorronsoro, Maria Luisa Mujika eta Gillermo Andonegi. Belauniko, Pedro Agirrezabala, Iñaki Astigarraga, Sasiolaneko semea, Joserra Zulaika, Luis Mari Agirrezabala eta Maite Arregi

Argazkia 1975eko urtarrilaren 3koa da, ostirala; gogoan ez dudan arren segurutik biharamunean izan zen lehendabiziko antzezlanaren aurreko azken saioan aterata. Ez dut aurkitu estreinu-egunaren informazio zehatzik; bai, ordea, apirilaren 5ean Zestoan izan zenaren berri. Beti ere Lukas Dorronsororen zuzendaritzapean.

Garai hartan hamaika antzerki-talde izan baziren euskal panoraman. Haietarik ezein geratzen denik ez dut uste, Goaz taldea edo izan ezik, hain zuzen ere.

 

Iraia
Iraia dio:
2011/10/11 17:03

Oztopoak eta zailtasunak gaindituta oraindik ere GOAZ-ek oraindik bizirik dirau!!!!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal