Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Gizon-munduan kudeatzaile nagusi

Gizon-munduan kudeatzaile nagusi

Amatiño 2010/12/13 23:10
Nuria Lopez de Gereñu izango da Confebask-en idazkari nagusi berria, 1995etik hona azken hamabost urteotan ardura hori izan duen Jose Gillermo Zubiaren ordez. Horrela erabaki du gaur arratsaldean bertan euskal enpresari-elkarteak eta urtarriletik aurrera jarriko da indarrean. Hona non, gure eibartarra, gizon-munduan kudeatzaile nagusi. Zorionak.

Nuria Lopez de Gereñu Telekomunikazio Ingeniaritzaz Lizentziatua da eta ESIC Negozio Eskolan Enpresa-Zuzendaritzaz Masterra. 2005etik 2009ra bitartean Eusko Jaurlaritzaren Garraio eta Herri-Lan sailburua eta, aurreko bi urteetan, Gipuzkoako Aldundiaren Nekazaritza Garapen foru-diputatu. Euskolegebiltzarkide gisa EITBren Kontrol Batzordearen lehendakari ere izan zen.

Aurretik, Osakidetza Sistemen teknikari izan zen eta  Mendaroko Ospitalean Informatika arduradun. Horrez gainera VICOMTech zein Tekniker zentruentzat  teknologia-ikerkuntzan aritua.

Eta bere curriculumean inon agertzen ez bada ere, neska langilea, adoretsua, gutxi bezain azkarra, ekimenez jantzia eta, zer gerta ere, erabakiak errotik hartzen dakiena. Bera ezezik, gaurdanik Confebask ere zorioneko da eta, oro har, herri honetan sinetsi nahi dugun guztiok.

 Nuria

Jaime
Jaime dio:
2010/12/14 16:27

Horrelako curriculum aberats,jori eta goresgarri mirestuez gero, egungo Eusko Jaurlaritzako eta Españako gobernuan aritzen diren, presidenteak buru, lagun trakets, ezjakin eta goi-ikasketak bako pepelerdoak ikusita (ez denak), galdetzen diot, haserre, nire buruari: non arraio eskutatzen dira Nuria bezelako jende baliagarria bion Herriko biztanle sofrituak krisi malapartatu hortatik ateratzeko? Giro horrek ez al du merezi, gizarteak eraginda, larrialdi edo alarma-egoera ezartzea?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal