Gaztedi gorri-zuria, zelai orlegian
Amatiño
2011/04/08 10:00
Athletic-ek hurrengo denboraldian erabili ahal izango duen bigarren janzkera ofizialaren aurkezpena egin zuen atzo. Elastiko berriak Athletic-en beraren ereserkian zehatz-mehatz aipatzen diren koloreak jasotzen ditu: "Gaztedi gorri-zuria, zelai orlegian".
Ekitaldian bildu ziren Orbaiz, López, Llorente, Iraola, Iraizoz, Martínez eta Muniain ‘lehoiak’, eta baita emakume taldearen ordezkari gisa Irai, Tzibi, Paula eta beste hainbat jokalari ere.
Honako kamiseta hau, izatez, hurrengo denboraldirako burutu den arren, Athletic-ek hilabete barru jantziko du estreinako, Espanyol taldearen aurka maiatzaren lehen asteburuan jokatu beharko duen liga-partidan, hain zuzen ere.
Gaztedi gorri-zuria, zelai orlegian,
Euskalerriaren erakusgarria.
Zabaldu daigun guztiok irrintzi alaia:
Athletic, Athletic, zu zara nagusia!