Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Gaviota, Bermeoko gas-lastaira, bikoiztu egingo da

Gaviota, Bermeoko gas-lastaira, bikoiztu egingo da

Amatiño 2011/04/14 23:53
Gaviota plataforma handitzeko egitasmoa zain dago noiz beharrezko baimena lortuko eraikitze-lanei ekiteko. Egun 0,9 bcm (mila milioi metro kubiko) besteko bolumena du eta, handitu ostean, 1,6 bcm bezainbatekoa izango da, 900 milioi euroren diru-ezarpenaz.

Miaketak 1972n hasi ziren, gas naturala 1980an aurkitu, egun zutik dagoen plataforma berbera 1986an hasi ekoizpenetan, eta ondoko zortzi urteetan 10.000 milioi metro kubiko atera ostean erabat hustu. Hurren urtean, 1995an gas-hobiaren birmoldaketa egin zen eta Aljeriatik ekarritako gasa gordetzeko biltegi bihurtu. Sekula Europan egin zen aurrena.

Helburua, urtean zeharreko eskari-eskaintzen arteko orekarik ezari erantzutea da, “lastairarenak” egitea alegia, gas-sistemaren hornikuntza segurtatzeko. Udan bete egiten da eta neguan, berriz, kontsumoak eskatu ahala atera.

Matxitxakotik zortzi kilometrora, plataformatik itsasgainera ehun metro inguru pasatutxo daude; itsasoak beste horrenbesteko sakontasuna du bertan eta itsas hondotik lurpeko gordailura, berriz, 2.200 metro.

Plataforma gainean hogeita hamarren bat lagunek lan egiten dute. Helikopteroz joaterik baino ez dago eta denetarik da bertan, alkoholik eta tabakorik izan ezik.

         Gaviota626

             Atzo iluntzean, Debatik hartutako argazkia. Berrogei kilometroko tartea, hor nonbait

                        Gaviota623

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal