Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Gasteizko jaiotza, mundukorik handiena

Gasteizko jaiotza, mundukorik handiena

Amatiño 2016/12/25 00:05
“Aitxitxa, hau Donostiakua baiño haundixagua da!” Bai, Gipuzkoa plazako jaiotza handi samarra da 'probintziakoontzat' baina, Gasteizkoa, zatia handiagoa. Gainera, Floridako parkekoan, antxintxiketan egin daiteke irudien artean, baita Belengo portalean bertan sartu ere eta haurtxo txikiari txupetea laga.

Gasteizko jaiotza omen da munduko belenik zabalenetakoa eta kalez kale oinez paseatzeko aukera ematen duen bakarrenetakoa.

Aurrenengo bider 1962ko Gabonetan ireki zenean --zero azpiko 18 gradu besteko hotz galantaz--,  oinarri-oinarrizko portalea baino ez zuen belenak artean: Jesus haurtxoa, Jose, Maria, mandoa eta idia. Geroztik, urtez urte gehitzen eta zabaltzen joan da, Gasteizko bertako belenzaleen eraginez eta dirulaguntzaz.

Gaur egun 200 inguru irudi dira 30 agertokitan barrena sakabanatuak: ezin besteko Herodes eta hiru Errege Magoez gainera, ohiko artzainak, haizkolariak, nekazariak, harakinak, errotariak, arrantzaleak, gaztagileak, zeramikagileak, Erromako soldaduak…  baita beste ehunen bat abere (txakur, oilo, ardi, ahuntz, txerri, asto, zaldi, ahate…) eta eraikin (borda, errota, korta, ola, basetxe, gaztelu…) ere, dagokien tresneria apropos guztiarekin batera.

Datorren urterako bi ekimen berri ari dira oraingoz prestatzen. Batetik, Olentzarori leku egin nahi zaio, oraindik batere argi ez dagoen arren non eta zelan kokatu. Bestetik, Belenzaleen Biltzar nagusiren bat antolatu nahi omen da Gasteizen eta, aukeran, Udalak nahi luke Floridako belenaren erreprodukzio txikiak egin, nolabaiteko izarian, gasteiztar bakoitzak kopiarik izan dezan etxean.

Floridako jaiotza

Gasteizko Florida parkeko jaiotza, bertatik bertara

Portalea

Portalea

Erreka bazterra

Erreka-bazterra

Errementeria

Errementeria

Zelaia

Lekua da, benetan aproposa

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: