Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Euskal Herriaren mesedetan, omen.

Euskal Herriaren mesedetan, omen.

Amatiño 2015/08/08 17:55
Hamabost urte ETAk Jose Mari Korta erail zuela lantegi-atarian. Bertako langileek galdetu zioten orduan ETAri, zergatik izan ote zitekeen eraso hura Euskal Herriaren onetan. Ez zuten, ordea, erantzunik jaso. Hamabost urte geroago galderak tinko dirau, baita erantzunik ezak ere.

Debako hondartzan nengoen ni, bainujantzitan, 2000 urteko abuztuaren 8an, eguerdiko hamabi eta erdiak aldera telefonoak jo zuenean. Hamabost minutu inguru behar izan nituen, txaparroak erantzi gabe, Oikiara heldu ahal izateko. Sekula ahaztuko ez zaidan panorama. Kristorena. Hamar egun baino ez ziren ETAk erail zuela Juan Mari Jauregi, Tolosan (2000.07.29). Jota sentitzeko aldi beltza.

Gaur, erasoa gertatu zen leku berberean entzun ahal izan dugun soinuari (Bach-en do maiorreko 3. suitearen BWV 1068 aria) bake-giroa zerion, baina baita nolabaiteko malenkonia ere. Goibeltasuna, gertatuak ez duelako atzera egiterik, sarraski hura egin zutenek ez zutelako sekula horrelakorik egin beharrik izan eta, hamabost urte geroago, oraindik ere, ez direlako jabetzen, antza, gaizki eginaz ez ezik, ezta egin beharrik ezaz ere.

Korta2

2000ko abuztuaren 8an, Korta lantegi-ataria

Korta3

Joxe Mari Korta zerraldo geratu zen bazterra, gaur eguerdian

Korta4

Egun ere, orain dela hamabost urteko galdera berbera

jon
jon dio:
2015/08/17 12:41
Eta, zergatik ez dugu galdetzen beste erailketeen gatik: Guardia zibilak, poliziak, militarrak, taxixtak, tabernariak eta ainbat eta ainbat. Zergatik beti gogora ekarri behar ditugu pertson jakin batzuk eta, beste denak ahaztu iñoiz erailak izan ez baziren bezala. Garbi dago, erailen eta sufritu dutenen artean mailak daudela. Batzuek beti gogoan eta homenaldiak eta besteak ERABAT AHAZTUTA.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal