Euskal Autonomia Erkidegoko langabeziak ez du onera egiten
Amatiño
2016/10/31 00:05
Apurka-apurka, emeki-emeki, Espainiako langabeziaren datuak hobera egiten ari dira, baita Nafarrokoak ere; Euskal Autonomia Erkidegokoak, aldiz, ez arre eta ez ixo, azken bi urteotako ildo beretik. Lar txarrerako joera ez, baina nabarmen onerako ere ez.
Ez dira, Euskal Autonomia Erkidegoaren aldetik, datu onak. Espainiaren bilakera onera egiten ari den artean, EAEk ez du neurri berean bere egoera hobetzen. 2011an, EAEko langabezia (12,6) Espainiakoa (22,9) baino hamar puntu hobea zen. Iraileko azken datuari bagagozkio, berriz, sei puntu (12,8 - 18,9) behetik baino ez.
Edozein modutan, oraindik ere, Balear Uharteak (10,60), Nafarroa (12,40), Kantabria (12,53) eta Euskal Erkidegoa dira, espainiar estatuaren barrena, %13tik beherako langabezia duten lau autonomiarik bakarrak. Bi bider gehiago, berriz, %25etik gora, Andaluzia (28,52), Kanariar Uharteak (26,01) eta Extremadura (25,61).
