Erromesen garaiko artetik ihesi
Nafar familia oneko alaben artean batere ohikoa ez zen arren, Maria Josefa Huarte Beaumont (Iruñea, 1927-2015) 1950eko hamarkadaren hondarrean hasi omen zen abstrakzio-pinturaz gozatzen eta, 1970 urterako etxeko zituen Jorge Oteiza, Eduardo Chillida, Antonio Tapies, Pablo Palazuelo, Jose Antonio Sistiaga, Rafael Ruiz Balerdi eta beste hainbat. Konturatu orduko hiruzpalau solairuko etxetzarra txiki egin zitzaion eta leihoak ere itxiarazi behar izan zituen koadroak esekitzeko behar besteko hormak egokitu ahal izateko.
Zalantzarik ez diru-poltsa handia behar dela tankera horretako zaletasunari amain emateko, baina onartu ere onartu beharko, hainbat artista gazte eta aurrerakoiri laguntzeaz gainera, ondo erosten asmatu izan zuela. Garai hartan, giro bereko emakume gutxik egin zuen abstrakzioaren eta modernitatearen aldeko postura Nafarroan, non, Maria Josefak berak salatu zuenez, “arte-zaletasunak Santiago-bideko erromesen aroan jarraitzen duen”.
L`esperit català (1971). Tapiesen margolanik aldarrikatzaileenetakoa
Manu Muniategiandikoetxea (Bergara, 1966)