Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Berrikuntza, eraz eta moldez

Berrikuntza, eraz eta moldez

Amatiño 2010/06/14 10:00
Argitalpenen azalpena erabat aldatu da azken urteotan, are gehiago euskarri digitalak nagusitu direnez gero. Paperak maldan behera jarraitzen du baina ez, ordea, erabat desagertu, teknologiak besterik ahalbideratu arren gizakion ohiturak ez baitira horren erraz aldatzen. Aldaketa horiek konpainien urteroko memorietara heldu dira eta, segurutik, berrikuntzarik berrienetakoa Ibermáticak egin du aurten.

Mende hau hasi arte edo, urtean behingo enpresen memoria ekonomikoak folio neurrikoak  ziren, betidaniko 21 X 30 zentimetrokoak alegia. Azken hamarkadan, ordea, nolabaiteko diseinua eraberritu nahirik, neurri  klasiko hori aldatu izan da era batez zein bestez, begitara baino ez beste itxuraren bat lortzeko asmotan, 23 X 23 zentimetroko molde karratua eta modernoagoa kasu.

Hildo beretik,  azken bizpahiru urteotan 12 X 18 neurrikoa nagusitu da konpainiarik handienen artean (Abeinsa, Abengoa, Befesa,  Petronor, Telvent eta beste hainbat, esaterako), bai testu-luzapena laburtu beharraren beharrez eta baita patrikan zein edozein esku-zorrotan eraman ahal izateko modukoa ere izan dadin. Hala ere,  merkatuko aldaketarik handienetakoa Ibermáticak aurten egindakoa dugu, aurreko astean jendaurrean aurkeztu zuena alegia. Llabur-llabur esanda, Ibermática konpainiak 36 orrialdeko (28 X 28)  komikia aurkeztu du memoria gisa.

Lehen hogeitaka orrialdeetan  komikia, bederatzigarren artea (zortzigarrena argazkia da eta zazpigarrena, zinema) den aldetik, aztertzen dute Román Gubern eta Luis Gasca adituek, Codex Mendoza  (Mexiko, 1541) delakoa sortu zenetik hona.

Komikiaren historiaren ondotik, Ibermáticak argitaratu aleak  eskaintzen du Iberman-en (Superman)  pasadizo bat, non gure super-heroi hegalari mitikoak bere ohiko konponketa miresgarri horietako bat egin ostean, Carlos kazetariak (Clark Kent )  sekulako albiste onak lortzen dituen eta egunkariaren portadan azaldu: Zer ote? Bineta bakar batean Ibermática konpainiaren memoria-laburpena:  2009ko emaitza onak, hurrengo hiru urteetarako plan estrategikoa eta akziodunen partaidetza.  Ez gehiago eta ez gutxiago.

Kontu-emaileren batek salatuko du ez ote den informazio urriegia. Eszeptikoak seguru asko esango, hori adierazteko aski zela folio eskas bat. Eta ez da falta izango, jakina, honez gero euskarri digitala aldarrikatuko duen zibernautarik. Baina euskarri digital hotza egon beti dago. Kontua da zer jendeari bertatik bertara eskuz esku eman, eskaini. Eta, berrikuntzaren izenean, Ibermáticak komikia ematea erabaki du.

Ikaragarri ideia ausarta iruditu zait. Zorionak

           Eraberrikuntza, eraz eta moldez

                                         2009ko memoriaren daturik nagusienak bineta bakarrean

 

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal