Emakumeen kriseilua
Azurmendiren iritziz, emakumeek gizonezkoek baino errazago islatzen dituzte gizartean dauden balioak eta neskak garaiko giroaren termometroa baino ez ziren. Neskek ez zuten euskaraz hitz egiten, euskarak ez omen zuelako orduan behar besteko baliorik.
Sei hamarkada geroago, giroa erabat aldatu da. Emakumeen komunikazio-ahalmena eta enpatia gero eta gehiago ari da euskaraz nabarmentzen.
Euskararen osasuna, emakumeen euskaltzaletasuna eta gizartearen euskal balorazioa eskutik doaz. Batek daki euskarak aurrera egin ote duen neskak euskaltzaletu direlako ala neskak euskaltzaletu diren gizarteak euskara baliotu duelako. Baina emakumeak eta euskara elkarrekin doaz.
Orain 60 urte bezala. Orduan euskararen kalterako, orain, ostera, mesedetan.
1. JAKIN. Euskal gaztedia kultura bideetan. Maiatza, 1964.