Emakumeen argazkizaletasunik eza
Amatiño
2012/07/02 12:00
Etxean haurrak dituen edonork badaki mutikoak neskatoak baino elektronikazaleagoak direna. Ez da berria, teknologiak betidanik liluratu izan du gizonezkoa andrazkoa baino gehiago. Emeak ez die nonbait tramankuluei zorrik. Zergatik dira arrak argazkilaririk gehienak?
Kalean da Foto Nikon 2011 argazki-liburua non iazko lehiaketan parte hartu zuten bi mila argazkietako 75 alerik onenak biltzen diren. Egileei bagagozkie, berriz, 74 gizonezko eta bat baino ez emakumea.
Seguru gero emakumeek atera ahal dituzten argazkiak gizonek lortu ditzaketenak bezain onak direla. Eta inork ez du esango gizonezkoen arte-sena edo sentiberatasuna emakumeena baino handiagoa denik, are gutxiago andrakumea gero eta nagusiagoa den kazetaritzan.
Orduan, zergatik Nikon Lehiaketaren sarituen artean emakumeak ez dira %1,3 besterik?
Lehen Saria Natura arloan. Francisco Mingorance