Elurrarenak egin du
Hilabete luze joan da elur-denboraldi ofiziala apirilaren 12an amaitu zenetik ona, Pirinioetako pistak elurrez gainezka zeudela. Orain dela hogeiren bat urte arte, elurraldia maiatzaren bateko zubi-inguruan amaitu izaten zen (arabarrek urtero eskiatu ahal izaten zuten Sanprudentziotan) baina, azken urteotan, Aste Santu ostean itxi ohi da, ez elur faltaz, jenderik ezean baino. Orain dena da laburrago, orain denak irauten du gutxiago eta jendea lehenago aspertzen da guztiaz.
Dena den, Sanjuanetaraino iraun behar omen zuen elur-pila uste baino lehenago urtu da maiatzaren lehen egunetako bero handien eraginez, eta ekainean zehar ere gozatu behar omen genituen mendi-eskialdiak nahi baino lehenago ahitu dira.
Canfranc-eko Arañoien Klubaren taldekideok behintzat burututzat jo behar izan dugu, honezkero, 2014-2015 denboraldiko azken eski-ikastaroa.
Udazkenetik aurrera gehiago eta hobeto.
Astuneko parkinetik Malaca erpinera bitarteko joan-etorria
Canfranc-eko "Los Arañones" mendi-klubaren hainbat kide, Malacara tontorrean. Atzekaldean, Midi d'Ossau gailurra (2.885 m.)