Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Eibarko Oteiza sariak

Eibarko Oteiza sariak

Amatiño 2014/02/04 23:30
Eibarko Udalak urtero eman ohi ditu “Oteiza Sariak” edo, hobeto esan, Eibarren kokaturik dagoen Oteizaren eskulturaren hainbat kopia zabaldu ohi ditu saritzat edo aitorpentzat.

Sari edo aitorpen hauek opa izateko ez dago, itxura denez, jakineko araurik edo irizpide zehatzik, baina inork ez du ukatzen nolabaiteko herri-onarpenen bat merezi omen duten hiritarrei eskaini ohi zaiela, Eibarren alde eta Eibarko izenaren onetan egindako lanaren esker onez edo.

Sari hau 1998an sortarazi zen eta 2013 arte berrogeita hamarren bat laguni eman zaio eta bospasei talde, elkarte edo erakunderi. Nik neuk ere jaso izan zuen, zinegotzi izateagatik.

Hamasei urteotan hainbat jende-motak jaso du aitorpen hau: pintoreek, irudigileek, argazkilariek, kirolariek, antzerkilariek, dantzariek, txistulariek, azterlariek, ikertzaileek, diseinugileek, historialariek, idazleek,  funtzionariek, politikariek, euskaltzaleek, emakumeen faboretan jardundakoek… denetariko faunak. Horien guztien artean, enpresa batek (Microdeco) eta teknologo batek (Iñaki Goenaga).

Nik ez du esango hor goian aipatutako fauna horrek guztiak saririk merezi  izan ez duenik. Zalantzan ere ez dut jarriko Eibarko artistak zein onak diren, kirolariak demasekoak, funtzionariak saiatuak eta politikariak zintzoak… Baina, horratik, tailer munduarekin zer ikusirik izan duten bi baino ez… Non eta, Eibarren!

 Oteiza

Oteizaren eskultura

asier
asier dio:
2014/02/06 21:49
Zerrenda hori publikua da? Sarian topau leike?
Amatiño
Amatiño dio:
2014/02/07 00:57
Publikua dana, jakina. Sarian daguanik... ez juat uste. Nik udaletxian eskatu najuan. Papelian jaukat. Kopixia ein eta bialduko deuat.
Asier Sarasua
Asier Sarasua dio:
2014/02/19 18:23
Jasota. Hemen bertan erantzun moduan ganoraz sartzerik ez dagonez, blogian gehittu dot. Eskerrik asko!
http://eibar.org/blogak/sar[…]arria-jaso-dutenen-zerrenda

1998

    Jose Ignacio Garmendia
    Begoña Maguregi
    Juanito San Martin
    Migel Gallastegi

    (Oteizak berak eta Txopitearen senideek ere jaso zituzten hainbat kopia)

1999

    Arrate Ibargutxi (Imanol Laspiurren alarguna)
    Duque de San Carlos (Isasiko Markesa?)
    Aurreko legegintzaldiko zinegotzi guztiak

2000

    Jose Luis Perez Sarasketa

2001

    Sociedad Femenina, Goi Argi
    Juan Mari Lejardi
    Ramiro Larrañaga

2002

    Juan Ortega eta Jose Maria Cornago
    Oscar Artetxe
    Juanita Unzueta
    Tania Nagornaia
    Juan Luis Mardaras
    Iñaki Goenaga

2003

    Aurreko legegintzaldiko zinegotzi guztiak
    Javier Agirresarobe
    Microdeco

2004

-

2005

-

2006

    Patxi Usobiaga

2007

    Rodolfo Epelde

2008

    Kezka dantza taldea

2009

    Serafin Basauri

2010

    Usartza Txistulari Taldea

2011

    Iñaki Bolinaga (J. D. Arrate)

2012

    Roberto Etxeberria (moda diseinatzailea)
    Ander Romarate (igerilaria)

2013

    Asier Cuevas (atleta)
    ONCE
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal