Arrate Filatelia Elkartearen liburuxkak sarean
Amatiño
2011/11/23 22:00
Arrate Filatelia Elkartea 1969. urtean sortu zen eta sortzearekin batera egin zuen aurreneko erakusketa, Exfibar’69, Eibarko udaletxe zaharreko liburutegian. Egoibarra udal-batzordeak lan eskerga hori nabarmendu nahi izan du eta gai eibartarren inguruan seiluzale elkarteak kaleratutako liburuxka guztiak digitaldu berri ditu.
Arrate Filatelia Elkarteak egin duen etenbako lanaren erakusgarri, Egoibarra batzordeak 1997tik 2011ra bitartean argitara emandako informazio guztia bildu du eta, urtez urte, hamabost pdftan sareratu.
Demokrazia indarrean jarri bezain laster, Arrate Filatelia Elkarteak erakundeen onespena jaso zuen. Ondoko argazkia, 1979koa edo da.
Ezkerretik eskuinera, Mateo Guilabert kazetaria; Luis Aranberri, Eusko Kontseilu Nagusiaren ordezkaria; Mikel Larrañaga, lehen alkatea; Jose Mari Barrutia, Gipuzkoako Aurrezki Kutxaren izenean; eta Fidel Sáez, eibartar filatelia elkartearen sortzaile eta lehendakaria.