Dayna Kurtz “Azkarra”
Blues, jazz, pop, folk… Dayna Kurtzek urteak daramatza ohiko zirkuitu konbentzionaletatik kanpo, orain dela bospasei hamarkadako kantak zein doinuak berreskuratzen eta birmoldatzen, beti ere sekulako ahotsaz, erabateko ahalmenaz eta izugarrizko samurtasunaz.
Hala ere, programatzaileen misterioak. Azaroaren 12tik 22ra bitartean, Daynak zortzi kantaldi eman ditu espainiar estatuan zehar eta, horietatik bi, Nafarroan, Iruritan eta Iruñean. Larunbatean, hiriburu zaharreko Zentral Merkatuan, 100 lagun inguru baino ez zituen bildu. Zertxobait gehiago merezi zuen.
Edozein modutan, ordu zoragarri bi eskaini zizkigun, distantzia motzean ikaragarri irabazten duela frogatu, eta “Gabon” eta “eskerrik asko” esateko gai izan zen.
Bapo neska!
Dayna Kurtz, bart, Iruñean