Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Botila erdi betea

Botila erdi betea

Amatiño 2007/12/21 11:30
Xabier Azanza, Nafarroako Ikastolen lehendakaria, Euskararen Nafar Institutuaren hurrengo zuzendaria izango da. Inork ez du zalantzan jartzen Azanza jaunaren euskaltzaletasuna eta, dirudienez, nafar guztiek dakite ez dela UPNkoa. Orduan, zer egin dezake Azanza euskaltzaleak euskararen kontrako horren nabarmena den UPNren agintepean?

Betikoa. Zenbaitek esango du Nafarroako baldintzetan ez dagoela euskararen  alde ezer egiterik, bertako Euskararen Legea aldatzen ez den artean alferrik dela ezertan hastea. UPNri jokoa egitea besterik ez dela, eta euskal hiztegi sasi-iraultzailea erabiliez gero: kolaborazionismo hutsa.

Beste zenbaitek esango du, ostera, edozein euskaltzale Euskararen Nafar Institutuaren zuzendari jartzea berez dela, besterik gabe, aurrerabidea. UPNek erabaki hori hartu behar izana Nafarroako euskaltzale guztien garaipena dela. Eta, txarrenean ere, nor euskaltzalea baino egokiagorik Legerik ziztrinenari jariorik naroena ateratzeko?

Botilla erdi betea ala erdi hutsa. Filosofia biak oso sustraituak daude gurean. Sustraituak eta kontrajarriak. Zenbait beti gertu, aukerarik murritzenaz baliatzeko. Beste hainbat  beti prest, “zenbat eta txartoago hobe” leloa aldarrikatzeko

Manuel Irujo nafarrari galdetu genion behin kazetariok ia zer arraio egiten zuten jeltzaleek nazioarteko batzarretan, Ipar Ameriketako Estatu Batuek frankismoa bedeinkatzen zuten garai ilunetan. Eta Lizarrako semeak erantzun: “Egin egin, nahi genuen baino gutxiago, baina egon egin behar genuen”.

Goiz kronika. Euskadi Irratia, 2007-12-18

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal