Bizkar Berdea, zuriz hobe
Elurretan ala haizkorritan, mendia zein nabarmen aldatzen den ikusteko paisajerik adierazgarrienetakoak Candanchu inguruko Bizkar Berdeko (Loma Verde) maldak dira. Candanchu diot, nonbait kokatze aldera, baina Bizkar Berdea ez dago Aragoin, Biarnon baizik, eta, hartara, Candanchutik ikusita behintzat, “mugaz handi”, mugarik inondik ere sumatzen ez den arren.
Neguan, malda zabal-zabalak, zuri-zuriak; ezein eski-zaintzaren ardurapean ez dauden arren, arrisku handirik gabe jaitsi daitezkeenak. Udan, aldiz, hango harkaiztiak, haizpilak eta amiletak edonor izutzeko bestekoak dira.
"Bizkar Berdea", elurrez, neguan. Biribil beltzez markatua, Kontrabandistaren leizea, Espainiaren eta Frantziaren arteko mugan
Behetik gora, Kontrabandistaren leizetik hartutako argazkia. Hortik zehar larrapastaka jaitsi daitekeeniik ere...!
Barrena, bizpahiru metro elur behar, bidezidor berdea zuriz egokitzeko.
Candanchu, Kontrabandistaren leizetik, Espaniaren eta Frantziaren arteko muga-mugan. Hala ere, ipuin-izena behar du izan, ez dut-eta uste hor sekula kontrabandorik egin denik. Edozein bidetatik altuegi eta urrutiegi (1.750 m.)