Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Bikain, euskararik “behar” ez izan arren

Bikain, euskararik “behar” ez izan arren

Amatiño 2013/12/18 22:00
Hogeita hamasei erakundek jaso zuten atzo "Bikain" ziurtagiri bana Iñigo Urkullu lehendakariaren eskutik. Urrezkoa, bederatzi enpresek; zilarrezkoa, hamaseik; eta gainerakoek, oinarrizkoa. Euskalit-en bitarteko kalitate-ziurtagiri hauek nabarmendu nahi dute euskararen erabilera enpresen zein erakundeen lan-arloan.

Lehendakariak gogoratu zuen lan-munduak gizartean duen garrantzia eta, bidenabar, jarduera ekonomikoaren esparruan euskararen erabilera areagotu nahiak eragiten dituen gizarte-onurak.

Atzo Bikain ziurtagiria jaso zuten enpresen artean bat azpimarratzekotan, zilegi bekit hemen EGA Master aipatzea, honako lau arrazoiengatik: jatorriz eibartarra delako, industria-sektorekoa (zerbitzuak eta irakaskuntza gutxietsi gabe), Gasteizen kokatua eta bere ekoizpenaren %1 baino ez duelako euskal merkatuan saltzen.

Inork ezagutzen baldin badu Gasteizen industriaren bat bere bezeroen %99 atzerrikoak izan arren Bikain ziurtagiria lortzeari ekin dionik, please, esan.

EGA Bikain

Iñaki Garmendia, EGA Masterren kudeaketa-zuzendaria, ikurra jasotzen Lehendakariaren eskutik. Atzekaldean, Patxi Baztarrika, Hizkuntza Politikarako sailburuordea.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal