Eibarko Chiquitoren gaineko informazio berria
Azala
XVI., XVII. eta XVIII. mendeetako udal eta auzitegi-artxiboetan nahiz eskribauek jasotako hitzarmenetan zeren bila jardungo eta, Jose Anonio Azpiazu historialariak han-hemenkako bazterrak miatu ditu eta pilotaren inguruko zertzeladak aurkitzen saiatu, ohi duen pazientziaz eta gairik arruntenetan kirikatzeko zaletasunaz.
Bistan da, bilatzen jakin eta hartara kuskuxeatzen jarriz gero, errege, jauntxo eta liskar-kontuak baino dezente informazio gehiago eskaini dezaketela "paper zaharrek”.
Chiquito de Eibar gureari dagokionez, berriz, nik dakidanez behintzat, sekula inork bildu gabeko informazioa atondu ahal izan du Azpiazuk, XIX. mendeko hainbat hemeroteka ezohikotan murgildu ostean. Ondorioz, erabat interesgarria ere, XIX. mendeko prentsaren baitan estreinako arrantzan egindako ipi-apak.
Beste behin txalogarria, aparta gero, zabalkunde-alderditik beti ere, Jose Antonio Azpiazuk --gure bilatzaile analogikorik jorienetakoak-- historia “xumearen” inguruan egindako ekarria.