Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Azkue, anbizio handiko fundazio

Azkue, anbizio handiko fundazio

Amatiño 2009/11/05 22:14
Bilboko Euskaldunan sekula bertan elkarrekin bildubako jende-mota batu zen atzo: gaztea, euskalduna eta teknologia berrien erabiltzailea. Ez diot bakoitza bere aldetik Euskalduna jauregira inoiz joan ez direnik, ezta hirurak elkarrekin sektore arraroa osatzen dutenik ere. Ez, esaten dudan bakarra zera da, hiru horiek elkarrekin eta Euskaldunan… behar bada estreinako. Meritua inori leporatzekotan, Azkue Fundazioari.

Llabur-llabur, Azkue Fundazioa teknologia berrien esparruan euskara lantzeko egitasmo publikoa da. Ideia, Josune Ariztondo Kultura Diputatuaren lan-taldearena, Bizkaiko Foru Aldundiak anbizio handiz bere gain hartu duena. Laguntzaile ofizialak, berriz, Euskaltzaindia, Euskal Herriko Unibertsitatea, Bilboko Udala eta Deustoko Unbertsitatea. Zuzendaria, azkenik baina ez azkena, Rodrigo Gartzia Azurmendi ermuarra.

Egitasmoak, besteak beste, euskarazko wikipedia, Ahotsak.com, Mediategia, Euskararen historiaren Interpretazio Zentroa,  Xuxen bizkaieraz, Kaixo Frankie bideo-jolasa  etab. 2.0 deritzon mugimenduaren unibertsoa berriaz baliatzeko asmotan, Jose Luis Bilbao Aldun Nagusiak esandakoari jaramonik eginez gero.

Bertara bildutako gazte, euskaldun eta teknologia berrien erabiltzaileen artean ezin ba eibartarrik falta, Mikel Agirregabiriaren flickr-argazkietan agertzen ez diren arren. Jende diskretoa gero.

                        

Bost erakunde sustatzaileon agintariak, Euskalduna Jauregiko aurkezpenean.

                       

Mikel Agirregabiria eta Rodrigo Gartzia Azurmendi, Azkue Fundazioaren zuzendaria

Euskalduna Jauregiko espezimen berria

hiriesangoyat
hiriesangoyat dio:
2009/11/14 21:03

Hona hemen entxufismoaren beste adibidie nazkagarri eta alkeizungarri bat (to Azkuek jasotako hitza, oraindik erabiltzen dena: ba al dakizu non?)

Honetako egon al zen "Campo-Ochandiano"-n "proceso de selección" delako bat???

Ez dut uste Azkue bat ere pozik izango zenik

Ikeragarria benetan euskerari egiten diozuen kaltea, zuk sinietsi ala ez margola!!!

Amatiño
Amatiño dio:
2009/11/15 01:39

Ez dut ulertzen zertaz diharduzun ere. Ezagun egiten zaidan hitz bakarra "Margola" da. Beraz, zuk ezagutzen nauzu, baina nik zuk ez. Zerbait zehatzagorik esan nahi ez duzun artean, hobe duzu isilik egon.

Izaskun
Izaskun dio:
2009/11/07 00:28

¿ ETA jauzi egin zuten? ¿ ez fotoa ondasunak-tzen du?

Iñaki Murua
Iñaki Murua dio:
2009/11/07 00:42

Badirudi Mikelen tramankuluarekin asmatu nuela argazkia ateratzeko. Edota artistaren batek ikutua eman dio hala ateratzeko.

Urte askotarako, Amatiño.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal