Azkoitiko azken zalduntxoa
Amatiño
2015/06/02 23:35
Inor izatekotan, Juan Ignacio Uria zen Azkoitiko zalduntxoa. Zalduna izateaz gainera, azkoitiarra zenez gero. Segurutik, bizirik zirauen euskal “ilustraturik” petoena. Eta ez, soilik, Xabier Munibe Peñafloridako kontearen ondorengo zelako, baita haren oinordetza bete-betean ordezkatu ere ordezkatzen zuelako. Goian bego.
Juan Ignacio Uria (Azkoitia, 1930-2015), Azkoitiko lehen alkate demokratikoa eta Euskalerriaren Adiskideen Elkartearen zuzendaria. Frankismo ostean, gurean loratu zen "alkate-mugimenduaren" partaide, eta, errege-senatari izan zen aldetik, Gernikako Autonomia Estatutuaren bultzagileetakoa.
Kultura handikoa, eruditoa, errenazentista jatorra, historiazalea, biblioteka-sagua, irakurle amorratua, liberala, abertzale atipikoa, solaskide oparoa, lagun ona eta gizakume hobea.
Jaioko dira berriak, baina, nekez gero, Uriaren parekoak.
Juan Ignacio Uria, Gorka Knörr abeslariarekin, Azkoitiko Insausti jauregiaren atarian, 1974ko abenduaren 27an.