Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Azken berrogei urteotako daturik onenetakoa

Azken berrogei urteotako daturik onenetakoa

Amatiño 2022/01/29 23:00
Langabeziaren datua benetan gutxitan izan da gero, Euskal Autonomia Erkidegoan, aurreko Gabon Zaharretan bezain urria: %8,43. Hau da, 2005etik 2008ra bitarteko lau urteetan izan ezik, inoiz ere ez azken lau hamarkadotan.

2021eko laugarrenaEzin esan, behintzat, 2021 urteak langabeziaren kopuru txarraz amaitu zuenik: %8,43 Euskal Autonomia Erkidegoan, %9,93 Nafarroan eta %13,33 Espainian. EAEri dagokionez, euskal herri-erakundeak indarrean jarri zirenetik (1980), bost urterik onenetako bat izan da iazkoa. Nafarroan, berriz, hamabigarren urterik onena.

Espainiar estatuko autonomien artean, EAE, Nafarroa eta Aragoi (%9,02) dira hamar puntutik beherako bakarrak. Gainerako erkidegoekin alderatuz gero, nabarmen ondo; baina Europar Batasunaren batez besteko datuekin (%6,5) erkatzekotan, aldiz, beti ere eskas, nahiz oraingo honetan Gipuzkoa (%6,55) pareko azaldu.

Emaitza on hauen baitan bada, ordea, datu arras kezkagarririk. Alegia, 2021 urtean zehar, batez beste, industria arloan %8,39 murriztu da langile-kopurua, eraikuntzan ia %20 eta, nekazaritzan, %55. Lanpostuz gehitu den sektore bakarra zerbitzuena izan da.  Tamalez, luzera, zerbitzu-gizarteak nekez eragingo du industrialak bezainbateko ongizaterik.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: