Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Axuri Dantza, Arrate gainean

Amatiño

Axuri Dantza, Arrate gainean

Amatiño 2012/09/09 00:20
Ez naiz ni Arrate Egunaz ezer esateko eibartarrik aproposena. Zenbaitek lotsagarritzat joko badu ere, azkenengo aldiz 1975an egon nitzen ni, Arrate Egunez, Arrate gainean. 1976tik aurrera Eibartik kanpora lan egiteari ekin nion eta urte hartan amaitu ziren niretzat irailaren 8ko jai-giroak, erromeriak eta egun-pasak.

Nire kazetari-argazkien artean Arrateko bi hauek aurkitu ditut: 1972koa bata, 1974koa bestea. Biak dira, argazki gisa, kalitatez eskas samarrak, eta, seguru asko, ez bata eta ez bestea ez dira Arrate Egunekoak.

Aurrena, 1972koa, Oier Araolazak zuzentzen ez badit behintzat, nik esango nuke Kezka Taldea dela, Axuri Dantza edo dantzatzen, erronkariar janzkeraz, udaberri inguruan. Ziurrenik denak neska eibartarrak, zein baino zein ezagunagoak, nik neuk hirugarrena (ezkerretik) baino ez dudan arren antzematen: Odile Kruzeta, Euskadi Irratiaren zuzendaria izango zena. Argazkian, 14 urte inguru zituen. Nik garai hartan 27 (eta bi seme-alaba) eta ezin ba Odileren sasoiko neskatilak gogoan izan.

Axuri Dantza. Kezka T. Arrate 1972

Axuri Dantza, Arraten. Kezka Taldea, 1972

Arrate2

III Trikitilari Eguna. 1974.09.22

Oier Araolaza
Oier Araolaza dio:
2012/09/10 11:30
Bai, egun bereko argazkiren bat dugu dantza taldean. Eibarko Klub Deportiboko finalista eguna ospatzen zen Arraten, eta Kezkako dantzariek Jaurrietako axuri-beltza dantzatu zuten besteak beste. Nahiko nobedade izango zen hori, Urbeltzek hiru urte lehenago, 1969an birsortu baitzuen dantza hori. Nik ez ditut ezagutzen, baina dantza taldean ditugun apunteen arabera, Odile Kruzetarekin batera dantzara atera ziren egun horretan Pilar Lopez Aurtenetxe, Mari Karmen Gabilondo, Eli Etxeberri, Altzerreka,...
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: