Aukeran, Txopitea falta
Amatiño
2014/12/28 10:00
“Irudi fantastikoa” izenburupean, bisitatxoa merezi duen erakusketa dago Donostiako Kursaalean. Nekez gero, horrenbesteko margolariren antologia joria, Beorlegi "eibarlaria" tarteko. Hain zuzen ere, aukeran, gure Txopitea fantastikoa falta.
Ez da, ez, batere erraza, Goya zenarengandik hasita egungo belaunaldi arte, horrenbeste artistaren emariak areto berean, elkarrekin, biltzea. Dalí, Picasso eta Lekuona; Saura eta Barceló; Zumeta, Ameztoy, Sistiaga, Nagel, Zuriarrain, Beorlegi… eta berrogeitak gehiago.
Segurutik dauden guztiak dira baina ez daude diren guztiak. Daniel Txopiteak (1950-1997) merezi zuen bertan egotea. Haren txorimaloak eta fantasmagoriak baino emaitza erdipurdikoagorik bada Kubo-Kutxa Aretoko hormetan zehar.
Paisaje onírico. Fernando Beorlegi, 1977
Músicos. Beorlegi, 1983
Izenburu gabea. Nikolas Lekuona, 1936