Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Athletic: gogoaren indarra

Athletic: gogoaren indarra

Amatiño 2011/12/02 18:30
Hiru urte joan dira "Athletic geuria!" argitaratu zenetik hona. Geroztik, irarritako lau mila aleak ahitzeaz gainera, hainbat aldaketa izan da Ibaiganeko klubaren baitan: urtero itxuraldatu beharreko elastikoa ezezik, baita lehendakaritza ere eta, jakina, zer esanik ez, jokalariak. Zertzelada horiek eraberritzen dituen bigarren argitaraldia aurkeztu da gaur: "Athletic: gogoaren indarra!".

Athletic geuria komikia Muskizko aitite zaharrak Nerea bilobari kontatzen zion Athleticen historiatxoa baino ez zen. Zelan sortu eta zelan dirauen --Pitxitxi, Iriondo, Zarra, Panizo, Gainza, Arieta, Iribar, Koldo Agirre, Julen Guerrero eta makinatxo bat gehiago tarteko-- betidaniko harrobian zehar eta lantzean behingo gabarran barrena. Komikia Petronorrek eragin zuen arren, ipuina Antton Irusta idazle eta irakaslearen ideia izan zen eta marrazkiak, berriz, Enrique Morenterenak.

Oraingo bigarren argitalpen honi Athetic: gogoaren indarra deritza eta historia berbera da, ezin bestean, azken hiru urteotan izan diren gertaerak edo ezik. Batetik, historia hobetzen beti ere lagungarri diren emaitza dezente onak eta, bestetik, zenbait jokalari-aldaketa, urtez urte. Joan ziren joan Yeste, Orbaiz, Joseba Etxeberria eta abar, eta etorri dira etorri Iker Muniain, De Marcos, Ander Herrera, Iturraspe... Katea ez da eten.

Hiru mila ale atera dira Durangoko Azokarako bereziki. Bi mila euskaraz eta mila gaztelaniaz. Athletic: gogoaren indarra, euskaraz, eta Athletic: el rugido rojiblanco, gaztelaniaz. Ez omen da itzulpena. Tira, ondo dago jakitea.

Laurak 600

Jose Luis Arredondo, Petronorren ordezkaria; Josu Urrutia, lehendakaria; Antton Irusta, ipuinlaria, eta Enrique Morente, marrazkilaria.

Panel600

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal