Arrazoi politikoengandik… ezin izan
Amatiño
2013/01/10 23:55
Ondarretako kartzelaren (1890-1948) oroitarria jarri zen, orain dela hilabete, Donostiako Ondarreta hondartzaren inguruan. “Arrazoi politikoengandik” atxilotuak izan ostean, ehundaka gipuzkoarrek bertan igaro behar izan omen zuten azken gaua, egunsentian fusilatuak izan aurretik. Benetan? Arrazoi politikoengandik ote? Ez dakit ba…
Bai, badakigu, gerra garaian eta frankismoaren diktadurapean, edozenbat atxilotu izan zena, kartzela hartan. Jakin ere badakigu fusilaturik ere izan zena. Baina, horratik, arrazoi politikoengatik, ez politikoengandik.
Arrazoiok okerrak edo zuzenak izan daitezke, sakonak edo arolak, bidezkoak edo maltzurrak, baina sekula ez, ostera, bizidunak. Pertsonak eta animaliak dirateke bizidunak; eta, aspaldiotan, behar bada, baita marrazki biziak ere. Baina, arrazoiak? Ez dakit ba nik… Ezta arrazoi politikorik gorenak izan arren ere.
