Amatiño

Antxobi, Deba-kabrako zangallin

Amatiño 2026/04/09 15:00

Azken gauotan antxoatan dihardute jo eta ke Ondarroako arrantzaleek. Herri-jakintzak dioenez, San Jose egunetik Sanpedrotara, “antxobi”(1) sasoia da. Eta San Pedrotik Arrateko Ama Birjinaren eguneraino, berriz, atunarena. Non arrantzan egingo eta… Deba-kabran.

Kabra berba (2) ezelako hiztegitan agertzen ez bada ere, Ondarroako arrantzale zaharrek ondotxo dakite bereizten “Lekeittixo-kabra", "Deba-kabra', "Getaixa-kabra", "Orixo-kabra” eta bestelako kosta-inguruak, herri bakoitzaren aurrean dauden itsas-eremu eta mareak.

Antxoa gauez harrapatzen da. Gau ilunean, ilargirik ez bada edo ezer ikusten ez bada, hobeto, hainbat hobe. Antxoa itsasontzien argitara biltzen da eta, jakina, bide batez, ez ustean, baita alboetan daramatzaten sareetara ere. Atuna, aldiz, egunez harrapatzen da. Baxurako arrantzaleen esanetan “antxobi listu da, atuna, ostera, errez engainatzeku”.

Gaueko itsaso ilunean “Deba-kabran ibili dan zangailliaz (3), seguru gero bixar goiz sartuko (4) dala antxobi.“

1) Ingelesez, anchovy.

2) Deba-ko-abra ote den...

3) Folloiaz.

4) Sartu dena, polita neurriz, 6,70 € kiloa arraindegitan.