Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Albiste ona

Albiste ona

Amatiño 2015/01/11 12:55
Baionan, eta ez Donostian, kokatuko du Ikeak bere bigarren denda Euskal Herrian. Aurrena Barakaldo ireki zuen 2004an eta hurrengoa, berriz, Baionako Ametzondo auzoan, Aturri ibarrean. Multinazional suediar honek Donostian zabaldu nahi zuen, baina Donostiako Udalak, Gipuzkoako Foru Aldundiak eta Eusko Jaurlaritzak jarritako eragozpenei esker, Lapurdira jo behar izan du.

Mila eta ehun lanpostu eskainiko dituen zentru komertziala eraikiko du Ikeak Baionan, 250 milioi euroren inbertsioaz. Eta, oro har, bi milio euro/urteko ordainduko dizkio zergatan frantziar ogasunari. Ikearen beraren arduradunek aitortu bezala, ez omen dute sekula beste inon Gipuzkoan bezainbateko oztoporik jaso denda bat ireki ahal izateko.

Albistea nabarmen ona da, hori baitzen nonbait donostiarrek eta gipuzkoarrok nahi genuena. Erabaki hau tokian tokiko dendarien mesedetan izango da, Ikeara joan nahi duten bezero giputzek izango dute aurrerantzean Baionara hurbiltzeko aukera, Barakaldoraino joan beharrik gabe, eta, gainera, zer esanik ez, dena Euskal Herrian geratuko da.

Gipuzkoan –eta Donostialdean bereziki-- sekulako gaitasuna erakusten ari gara behar dugun ura Nafarroatik ekartzeko, zaborrak kanpora bidaltzeko, energia inportatzeko, industriari ahalik eta zailtasunik gehienak jartzeko eta, nagusi garenean, Bilbo izan nahi dugula amesteko.

Beraz, lasai, (ez)ekin eta jarrai.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: