Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Ad maiorem Nasae gloriam

Ad maiorem Nasae gloriam

Amatiño 2015/10/24 00:05
“Alien”, “Blade Runner”, “Thelma y Louise”, “La teniente O`Neil”, “Gladiator”, “Robin Hood”, “Prometheus” eta beste hogeitaka pelikula ezagunen zuzendaria, Ridley Scott, tente-potente plazaratu da oraingoan, “Marte” filmaren eskutik. Nago, ez dela haren ekoizpenik landuena edo jantziena baina bai, segurutik, doako marketinik eskuzabalena bereganatu izan duena. Sekulakoa gero, komunikabideetan "musu" truk (ezin egokiago esan) eskaini zaion aurkezpen-txanpa.
Ad maiorem Nasae gloriam

Matt Damon, lehen martetarra

Marte (The martian) amerikar abentura peto-petoa da, Andy Weir-en eleberrian oinarritua, baina nobela baino dezente arinagoa, hori bai.

Zenbait orrialdetan, letramoldeetan zehar irakurtzen irauteko, fisika edo ingeniaria izan behar den arren, zinema-aretoan eserita jarraitzeko umore puntua besterik ez da behar.

Nahiz afera guztiak bat-batean ulertu ez, ikusentzuleak aldez aurretik sumatzen du ikuskizun entretenigarri baten aurrean dagoela, ez duela zertaz arduratu beharrik eta, zer gerta ere, ondo amaituko dela, hamaikatxo topiko tarteko. Bazkalosteko "infantillean" ikusteko modukoa.

Aukeran, nik, barrena ordu erdiz moztuko nuke eta, izarrak maite dituztenentzat baino ez bada ere, astronomia apurtxo bat gehiago ezarriko. Izan ere, ehundaka egun pasatu planeta gorrian eta... ekaitz petral bat baino ez!

Alde aretotik... ipar amerikarrak lar maite ez dituztenek eta utikan, gero, ad maiorem Nasae gloriam, zazpi euro ordaindu nahi ez dutenek.

Marte benetakoa2

Bietako bat Marte da, NASAren argazkian, eta bestea, ilargia, Donostiako Paseo Berritik  Izarbe elkarteak aterata (2015.09.28). Ezetz asmatu, zein den zein.

Marte ilargia Izarbe2

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal