Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / Katalangua baserria
Eibartik

Eibartik

Katalangua baserria

Asier Sarasua 2005/01/31 15:05
Katalangua baserria Urki eta Txonta bitartean zegoen. 1970. urte inguruan bota zuten, autopista egiteko. Gutxi gorabehera Bolingua baserri gainean zegoen, Arane gainean.
Katalangua baserria

Katalangua. Izen berezia baserri batentzat. Nik neuk teoria bat daukat; berezi samarra, beharbada, baina guztiz zentzuzkoa, nire ustez, daukagun dokumentazio historikoari jaramon egiten badiogu.

1750. urtera arte makina bat aldiz agertzen da Eibarren Loidi toponimoa (Loidi, Loidi Etxebarri, Loidi-erreka, Loidiko iturria...). 1741eko udal erroldan, esate baterako, Loidi Etxebarri baserrian Joseph izeneko katalan bat bizi zela agertzen zaigu. Ondorioa ateratzea ez da gatxa: Loidi baserriak bere izena galdu eta Katalangua izena hartu zuen, Eibarko baserritar katalan bakarraren omenez. Ondoren, inguruak ere antzera, eta Loidi inguru guztia Katalangua bihurtu zen.

Gaur egun inork ez daki Loidi zer den, eta Katalangua bakarrik ezagutzen du.

Goiko argazkia 1968 ingurukoa da eta Errekatxu-Bolingua aldetik dago aterata. Eloisa Narbaizak laga dit; Katalanguan bertan jaiotakoa da Eloisa. Irudian, Katalangua baserria eta bere lurrak; gorago Katalangua goikua izeneko etxeak.

Eskerrik asko Eloisa.

etiketak: historia, toponimia, eibar
asier
asier dio:
2005/02/04 09:54

Eskerrik asko datuengaittik Arrate. Dana dala, 5 familixa Katalangua Goikuan biziko ziran, ezta? Katalangua basarrixan bertan ez, ala?

Bueno, datu gehixago edo argazkiren bat badakazu, badakizu, bialdu lasai.

Edo askoz hobeto: eskatu Luistxori blog bat, Katalangua blog, eta bertan gehittu!

Animo zure "lan" barri honetan.

Ixilpetik
Ixilpetik dio:
2005/02/03 21:22

sentitzen dot!! hainbeste bidar errepikatzia baiña errore bat emoten zeztan ta ez dakit zenbat bidar klikatu doten bidali...teknosexualitatetik asko ikasi biharra dakt ondiokan...

arrate
arrate dio:
2005/02/02 12:43

aupa asier!! ez dakat blogetan bueltaka ibiltzeko ohittura haundirik baina gaur sorpresa politta eruan dot, nere aitta katalangua basarrixan jaixotakua da, ez dakit zenbat urte egiñ zittuan bertan baina amamak eta berak makina bat historixa dittue honen inguruan. galdetuko detzat izenan inguruan, ia zeozer badakixan berak, dana dala atara dozun teorixa horrek ni behintzat konbenzidu nau.

arrate
arrate dio:
2005/02/03 21:19

kaixo asier!! bueno inbestigazino txikxa hasi dot baiña ondiokan nahiko berde, aittakin egiñ dot berba: 9 urtiak bete zituanarte bizi izan zan bertan, 1949an bajatu ziran kalera. garai hartan 5 familixa bizi ziran bertan gehixenak errentan. izenan inguruan galdetu detzat eta ez zekixan erantzuten. seguru amamak informazino gehixago dakala beraz berakin egon ostian idatziko detzut barriro, nik uste dot egongo dala argazkiren bat lortzeko modua... konturatu barik ixa hasi naiz katalanguan gaineko informazinua batzen ta gustora!! etxeko historixa zati bat be han dakat ta enteratu egiñ biharko!! laster arte!!

Asier Sarasua
Asier Sarasua dio:
2005/02/02 16:45

Zelako ondo Arrate! Poztutzen naiz. Ia zeozer etaratzen dozun. Eta beste erretratoren bat badakazu, badakizu. Nahi badozu biauidazu, eta ipiniko dogu hamen.

arrate
arrate dio:
2005/02/04 14:46

eskerrak zuri, asier. hobe "lan" danak holakuak baziran!! amamakin berba egiñ ostian ezin detzut askoz datu gehixago emon...bueno kotileuak bota deztaz, barregarrixak gainera baina uste dot hori ez dala biharko dozuna. katalangua basarrixan 5 familixa bizi zirana konfirmau dezta eta katangua goikuan 3 familixa gitxienaz bizi ziran. bloga eskatziana ondo egongo zan...katalangua bloga barik kiputza txiki deittuko netzan igual, aittittan oroimenez (kiputzanekua), auskalo!! oiñ azterketetan nabil ta amaitzian emongo detzaraz buelta batzuk, egittekotan ganoraz egiñ nahiko neuke eta!! ia hurrengorako datu gehixago lortzen dittudazen...argazkixana amamak esan dezta eukitzekotan eloisak eukiko dabela ta hori badakazu!! ondo izan!!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Eibar, Euskalkiak, Natura, Etnografia

Asier Sarasua Aranberri

Eibar, 1969. Naturzalea txikitatik; txorizalea joan zen mendetik; euskaltzalea betidanik. Sasibiologoa eta sasifilologoa. Txoriak ez ezik, txori-izenak ere behatzen ditut han-hemen. Blogroll ibiltari bat ere banaiz.

..........................

Blog honetako testu original guztien lizentzia: Creative Commons by-sa.

Somerights20

..........................

Blog honetako gai nagusiak

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Liburu eta proiektuak
Lehen Hitza Euskaraz