Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño

Benetako zaletasun miresgarria

Amatiño 2023/10/05 08:00
Aurreko zazpi egunetan, Bilboko Koral Elkarteko 8 urtetik 18ra bitarteko 50 kidek 1.235 km. egin dituzte, Hego Euskal Herriko hiriburu bakoitzean bost minutu kantatzeko. Mahlerren 3. Sinfoniaren bost minuturik berezienetakoak, behar bada, baina bost minutu besterik ez. Horretarako, ondo kantatzen ikasteaz gainera, lehen eta behingoz, benetako zaletasuna behar da.

Nevadako euskal artzainik ezagunena

Amatiño 2023/09/29 15:45
Aurreko astelehenean, hilak 25, ehun urte bete ziren Kalifornian jaio zela Robert Laxalt, Ipar Ameriketako euskal diasporaren literatura-aitzindaria. Hamazazpi liburu idatzi zituen baina denetatik ospetsuena, “Sweet Promised Land” (1957)*. Aita zuen Dominique zuberotarra eta, haren bizitzaren ildotik, Mendebalde Urruneko euskal artzainen nondik norakoa estreinako ezagutarazi zuen.

Hirurogei urteko kazetari-lana*

Amatiño 2023/09/25 12:00
Duela 60 urte, 1963ko irailaren 21ean, hasi nintzen ni lanean, aitaren lanbide berean. Hantxe ikasi nuen, 18 urte bete berri, inoren arropa zikina garbitzen, tindatzen eta lisatzen. Eta aldi berean, orduz kanpo, hasi nintzen Eibarko albisteak idazten eta Donostiako “Zeruko Agia” astekarira errekadistaz bidaltzen. Gero gerokoak.

Oraingoz, estralurtarrik bakarrak geu gara

Amatiño 2023/09/21 10:25
NASAk egitasmo bi ditu indarrean, aldi berean, estralurtar bila. Bata, Lurretik 1.500.000 kilometrora, 10.000 milioi dolarreko aurrekontuaz, galaxiak kirikatzen diharduena. Bestea, 100.000 $ besteko kontuaz, troposferatik (10-12 km.) ezertarako ateratzen ez dena. Paradoxa bada ere, iritzi publikoari bigarrena interesatzen zaio, plater hegalarik ba ote dagoen jakiteko.

Normala

Amatiño 2023/09/17 10:50
”Liberated: the new sexual revolution” dokumentala (Netflix, 2017) bart gauekoa ez den arren, egungo hainbat jokabide ulertzeko balio dezake. Pazko Eguna (Easter Day) tradizio handiko jaia da Estatu Batuetan, eta urtero ehundaka mila unibertsitari hegoaldeko hondartzetan bildu ohi dira astebeteko oporretan.

Etsaia ulertzea komenigarri denean

Amatiño 2023/09/12 19:45
“Zuk etsairen bat baduzu –eta legez kanpoko erakundeak etsaiak dira, hain zuzen ere demokraziaren etsai direlako— uste dut beti ere komenigarri dela etsaia ulertzea. Baina honek ez du esangura hedabidearen kontrola eman behar zaionik” (Sir Charles Curran. BBC).

Musika-jaialdiak, bidean galdutako musika bila

Amatiño 2023/09/07 19:10
Hamazapi urte nituen nik, 1963an, Manuel Iradier elkarteak “Festival Vasco” jaialdia eratu zuenean, estreinako, Mairuelegorreta leizean. Ezkon-bidaian nintzen berriz, 1969ko abuztuan, Woodstockeko “musika eta arte azoka” mitikoa lehen aldiz antolatu zenean New Yorken. Gaur, nire bilobak ditu 17 urte eta Euskal Herria ez da, inondik ere, ordukoa. Ezta musikaldiak ere.

Ebroa: guda, konkista, sarraski, garraio eta merkatu-ibaia

Amatiño 2023/09/03 07:50
Zaragozan kexu ziren aurreko jaian, Ebro ibaiak behar besteko urik ez zeramalako (1). Ez zen trabesik falta Pilaricaren ostean errekara begira ziren jubilatuen artean, Harrizko Zubipetik (2) ba ote –ala ez— ibar batetik bestera oinez zeharkatzerik. Baietz, ezetz… auskalo.

Tene Mujika, 1936an 2036rako aldarria iragarri zuena

Amatiño 2023/08/30 09:40
“Tene Mujikak gaur egun ez dauka irakurlerik, batto ere ez, ezin baita ia inon eskuratu haren libururik” diosku Kepa Altonaga irakasleak*. Hala ere, Debako neska-mutilak erruz biltzen dituen Errotazar futbol-zelaiaren sarreran zera irakurri daiteke: “elearen osasuna gaztedian dago: iraungo badu, gizaldi guztietan erabilliko duten gazteak bear ditu” (Tene Mujika, 1921).

1983-2023, zuzeneko irudiaren iraultza

Amatiño 2023/08/26 11:15
Zer gogoratuko ote, gehien, 1983ko uholdeetatik eta, ezagun diren datu tragikoez* gainera, frustrazioa da gomutan dudan sentimen profesionalik handienetakoa, ETBren Albiste Zerbitzuen zuzendari nintzelarik ezer gutxi egin ahal izan genuen-eta, urez inguratutako Iurretako egoitzan ia sartu-irten ezinik. Ez zen gero hura izan, egunean eguneko informazioaren aldetik, ETBren historiatxoaren pasarterik gogoangarriena.