Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño

Artzeren sakontasuna eta grabitaterik eza

Amatiño 2018/01/13 11:25
Hogei urte besterik ez nituen nik Artza anaiak (Jesus Mari eta Joxeanton* Artze), estreinako, txalaparta jotzen ikusi nituenean. Hogei urte eta informazio askorik ez, 1960eko hamarkada ez baitzen garairik onena izan huntaz eta hartaz jakiteko. Bai, ordea, niretzat behintzat, ikasi beharraren beharrez, garairik magikoena eta, Joxan Artze, magorik adierazgarrienetakoa.

Zamartze: bi mila urte ez dira, gero, euli-kaka

Amatiño 2018/01/12 00:05
Done Mikel Aralarkoaren zaleentzat edo izan ezik, Zamartze ez da segurutik Erdi Aroko euskal monasteriorik ezagunena, are gutxiago Altsasutik Irurtzuna bitarteko autobiak Sakanako errepide arrunta bazterrarazi zuenetik, orain hogeita bost urte inguru. Hala ere, 2.000 urte bai, jatorrizko eraikin erromatarrak bertan dirauela, Arakil (Aracaeli) ibai-bazterrean.

Hobe berandu, sekula baino

Amatiño 2018/01/09 08:00
Gaur bezalako egun batean, orain dela hogei urte, ordu honetan bertan, goizeko zortziak bost gutxitan, ETAk Jose Ignazio Iruretagoiena erail zuen, autoz lanera zihoala, eserleku azpian jarritako lehergailuaz.

Diego Verdejo eibartarra, atzo Ondarbeltzen ito ziren bi lagunetako bat

Amatiño 2018/01/04 21:00
Atzo arratsaldean Mutrikuko Ondarbeltzen ito ziren bi lagunetako bat eibartarra zen. Diego Verdejo* zeritzan eta aspaldian Gasteizen bizi arren, eibartarra zen sortzez eta bihotzez, urtero parte hartzen baitzuen, San Andres bezperan, Gasteizko eibartarron afarian.

Txikia bertakoa, handia kanpokoa

Amatiño 2018/01/02 09:00
San Tomaseko azokan hasi eta Errege-egun arte, Olentzarotan barrena, erosketa-garaia da Euskal Herri osoan. Gutako asko eta asko hasi ginen baserritarrei intxaurrak erosten eta amaituko dugu jostailuak, arropak eta opariak internetez eskatzen. Ez da gure askatasuna auzitan dagoena, gure koherentzia baino.

Hain urrun eta hain hurbil

Amatiño 2017/12/30 10:00
Ipar Euskal Herria ez dago, inondik ere, urruti Hegoaldeko hiritarrontzat eta, are gutxiago, euskarazko esparruetan bizi garenontzat; baina, hala ere, aitortu behar dut, ni neu behintzat dezente harritu nauela –eta onerako—aurreko astelehenean ETB2k eskaini zuen “Mission Pays Basque” filmak.

Politikaz posible denaren artea

Amatiño 2017/12/26 09:00
Bai duela berrehun urte, bai geroztik eta bai orain ere, gizartea zenbaitek nahi baino anitzagoa da. Hemen eta Katalunian. Eta aniztasun hori kudeatzea arte bat da. Politikaren artea. Sasoi bakoitzean posible denaren artea.

Doña Justaren bendarik eza

Amatiño 2017/12/22 12:00
Bergaran Doña Justa deitu izan diote gure zaharrek Justizia Jauregiko teilatu-gainean eserita dagoen emakumeari. Justizia irudikatzen du baina ez ditu begiak tapatuak. Kale-leloak dio Martzial Agirre eskultorerak bendarik gabe zizelkatu zuela Justizia anderea, Foruen eztabaidan ez zelako neutrala izan.

Espainia gipuzkoartu

Amatiño 2017/12/19 09:00
Francok 1939an gerra irabazi eta, diktaduraren lehen ordezkaria estreinako sartu zenean Gipuzkoako Diputazioaren jauregian, zera esan zuen, harro asko, hitzez hitz: “Aquí venimos, a ver si españolizamos Gipuzkoa”. Eta bertan zegoen Ramon Pagola errepidetako zuzendariak erantzun zion apal baina buruaren jabe: “Y… no sería mejor guipuzcoanizar España?”.

Noah Jupe

Amatiño 2017/12/15 12:00
Noah Jupe aktore ingelesa ez da inondik ere ezagunena baina bai, behar bada, gazteenetakoa. 2004 jaioa, honezkero parte hartu du 6 telebista-sail eta 7 filmetan. Abiada horretan, noizbait Oscarren bat irabaziko du eta kronikek esango dute, arrazoiz, gazterik hasi zela. Egunotan begi bistan dugu, "Suburbicon" pelikulan. Eta, hain zuzen ere, Noah Jupe bera da George Cloonyren filmak eskaintzen duen harribitxirik apartekoena.
Aurkezpena

Amatiño

Luis Aranberri Mendizabal