Munduratzearenak egin du
Amatiño
2010/01/07 14:31
Egungo hegazkin batek 1975an baino %45 erregai gutxiago kontsumitzen du kilometroko. Baina oraingo hegaldi guztien kontsumoa ordukoa baino %150 handiago da. Hau da, teknologia berriek energia-eraginkortasuna hobetu dute eta, ondorioz, prezioak merketu. Hegaldiak merketzearekin batera bidaiari-kopurua hazi egin da eta baita, jakina, hegaldiena ere. Beraz, kontsumoa gehitu. Gurpil zoro hau zelan konpontzen da? Gaur gaurkoz modu bakar batez: hegazkinik ez erabiltzen. Baina gertu al gaude hegazkinik ez erabiltzeko?
4 erantzun
Guztiz gomendagarria
Amatiño
2010/01/05 23:53
Zinea artea omen da, zazpigarrena alegia, eta pelikula guztien aurrean horrelakorik esaterik ez badago ere, Juan José Campanella zuzendariaren “El secreto de sus ojos” filma harribitxi horietako bat dugu. Film serioa, atsegina, egituratua, dialogo esanguratsuak, kamera-lan ederra eta izugarri ondo interpretatua. Film klasikoa batetik, thriller komertziala bestetik, ondo amaitzen da… zer gehiago eskatu ote daiteke?
Poesiarik gabeko ikuspegi poetikoa
Amatiño
2010/01/03 22:26
Eguberri giroan, mahai-inguruan, semeak SMSa jasotzen du, irakurri eta dio: “Zelako horteradak idazten dituen gero jendeak”. Alabak, ostera, “poeta frustraturen bat…”. Eta aitak, Harkaitz Canoren txalapartaren oihartzunez, “poesiabako ikuspegi poetikoa behar bada...”
Ahitzen ari diren zibilizazioen konponezina
Amatiño
2010/01/02 23:49
Adin Maalouf idazlea ez da segurutik arrazoi guztiaren jabe baina, sikeran, Ekialde Ertaineko zein Mendebaldeko ikuspegiak bertatik bertara bizi izan eta ezagutzen ditu. Libanoarra jaiotzez, Barack Obamak benetan asmatu dezan nahi du. Behar bada, ez alde batean (Ekialde Ertainean) eta ez bestean (Ipar Ameriketan) ez gaudenontzat benetan interesgarria da bi zibilizazio kontrajarrien arteko zubigintza eta elkar ulertu beharra defenditzen dituenaren iritzia baina, daitekeena ere, “hango” zein “hemengo” hainbatek traidoretzat jotzea.
Jaiotza ala Parke Jurasikoa ote?
Amatiño
2009/12/31 17:47
Gure ama zenak ez luke gaur egungo Jaiotzarik ulertuko. Batetik, jaiotzaren ordez Olentzaro dagoelako; bestetik jolasteko erabiltzen delako eta, jolasteko denez gero, ardiekin, txerriekin eta behiekin batera, Haginzorrotz, Buztanoker eta bestelako dino-senideak tarteko direlako. Auskalo Jaiotza ala Parke Jurasikoa ote den, baina ez gure txikiei kontrakorik esan. Sinkretismo berria ote?
Sexua eta ideologia
Amatiño
2009/12/30 19:04
Neri betidanik gustatu izan zait sexua, giza-zibilizazioaren asmakizun handienetakoa iruditzen zait, benetako artetzat dut eta gizartearen baitan –aipatu nahiz ez— pil-pilean dagoen gaia delakoan nago. Zelan arraio ideologia oinarritzat duten giza-taldeek (alderdiek) ez lukete ba izan behar sexuaz eta sexuaren ondorioez iritzi propiorik?
Edozein gezurrek balio du sasiegia defenditzeko
Amatiño
2009/12/28 23:08
Larriena ez da datuon interpretazio okerra, maltzur jokatu nahia baizik. Datu okerrak kaleratzen dituenak badaki zertan diharduen. Eta, hala ere, datuok manipulatzen ditu hobe beharrez, ingurumenaren izenean, salbatzailearenak eginez: bere sasiegia hain segurua da eze, beharrezko defentsa egiteko gezurrak ere balio baitio. Batere lotsa eta espanturik gabe, gainera.
Duintasun eta elementu komun bila
Amatiño
2009/12/27 23:10
“Eskarmentuz dakit inoiz guztiz eskuratu ezin den konkista bat dela duintasuna. Porrot etengabea, beraz” –aitortzen du Anjel Lertxundik bere azken liburuan ('Eskarmentuaren paperak'. Alberdania, 2009). Saiakera omen da. Ez diet nik adituei terminologiarik ukatuko. Are gutxiago egilea errotik saiatu dela sumatu ondoren. Saiatu eta asmatu. Ez dago hor ezein porroten aztarrenik. Literatura, informazioa, hausnarketa eta plazera elkarrekin uztartzen dituen liburu urri horietako baten aurrean gaude.
Jostailu gehiegi
Amatiño
2009/12/26 23:05
Ez dakit zer esango ote lukeen Aita Santi Onaindiak gaur egun biziko balitz eta Olentzero eguneko opariak ikusiko balitu baina, nik lagundu beharko banio, esango nioke egun edozein umek duela orain 45 urte baino askoz-askoz ere jostailu gehiago, baina, behar bada, ez orduan bezainbateko “gerrariak”.
Natibitate eguzkitsua
Amatiño
2009/12/25 23:42
Berriketabako eguna. Nork esango gero Natibitate eguna izan denik. Itsasoa, 14 gradutan. Oraindik ere otsailera bitartean dezente hoztu beharko luke. Baina, dagoeneko, azaroan inausitako buganvillari kimu berriak atera zaizkio.