Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / "Cartoon Time Blog", komikiei buruzko beste blog bat euskaraz!

e-gorblog

"Cartoon Time Blog", komikiei buruzko beste blog bat euskaraz!

e-gor 2015/05/20 23:00

Komikiaren eta ikus-narratibaren historia eta teoria lantzen ditu

"Cartoon Time Blog", komikiei buruzko beste blog bat euskaraz!

Blog honetan utzitako erantzun baten bidez eman digu bere egileak blog honen berri: Cartoon Time Blog (cartoontimeblog.blogspot.com). Euskarazko beste blog bat komikiei buruz, bikain!

Orain arte argitaratutakoagatik ikusten denez, komikiaren eta ikus-narratibaren historia eta teoria lantzea da egilearen asmoa. Badu eduki finko bat non azaltzen dituen istorioen narratiba zer den, komikia, komiki-zinta eta komiki-liburua edo comic booka zer diren, ikus-narratibak zertan datzan eta komikiaren historia. Eta blogean argitaratzen joaten den artikuluetan hainbat komiki klasiko (The Fantastic Four, The Uncanny X-Men, Popeye, Dick Tracy, Mickey Mouse, Superman, Tarzan...) aztertu eta azaltzen ditu orrialde-diseinuaren ikuspegitik eta ondoren bineta bakoitza bana-banan azaldu eta itzuliz.

Egileak komikiaren teoria eta historiaren ezagutza akademiko ikaragarria erakusten du. Nahiko nuke nik hainbeste jakin, a ze inbidia! Benetako luxua halako blog bat euskaraz izatea. Ongi etorri, Cartoon Time Blog!

etiketak: komikiak, Cartoon Time Blog

Cartoon Time Blog dio:

2015/05/23 12:31

Eskerrik asko berriro ere hain harrera ederragatik. Ez dut uste hainbeste gorespen merezi ditudanik! Beno, espero dut beste norbaitek ere blog-a gustoko izatea.
3 egunean behin artikulu berri bat agertuko da, dena ondobidean dela. Iadanik blog-an daudenei ere aldaketa txikiak egin dizkiet, goiburukoan komiki bakoitzari buruzko oinarrizko datu gehiago emanez.
Laster arte denoi

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hiru ken lau (idatzi zenbakiz) ?
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.